1.1. Introdución ao reto

1.2. Cal é o noso reto?

O obxectivo de presentar este reto ao alumnado de 1º de ESO para desmentir o negacionismo climático é promover a reflexión crítica sobre o cambio climático, incentivar a investigación baseada en datos científicos e desenvolver habilidades de pensamento crítico.

Isto axuda ao alumnado a comprender a gravidade do problema, afastarse dos boatos e pseudociencias e tomar conciencia sobre a necesidade de actuar para protexer o medio ambiente.

2.1. Baixa eses aires

2.2. Estás pingando!

O obxectivo de facer esta avaliación inicial dos coñecementos da hidrosfera e da atmosfera é identificar o nivel de comprensión que o alumnado ten sobre estes conceptos despois do seu estudo na etapa de educación primaria.

Isto vainos permitir detectar posibles carencias de coñecemento e distintos ritmos na aprendizaxe, axustar a ensinanza segundo as necesidades do grupo e garantir unha base sólida para avanzar no estudo destes temas de xeito máis profundo ao longo do REA.

3.1. A atmosfera

3.2. Uff que problemas!

3.3. A hidrosfera

3.4. Afogando

O obxectivo de estudar a atmosfera e a hidrosfera para comprender o problema da crise climática é analizar os procesos naturais e os impactos das actividades humanas sobre estes sistemas.

Ao entender o papel fundamental da atmosfera e da hidrosfera e comprender como ambas inflúen no clima, o alumnado pode comprender mellor as causas e consecuencias do cambio climático e a necesidade de adoptar medidas para mitigar o seu impacto.

4.1. Evaporando dúbidas

4.2. Condensando ideas

4.3. Precipitando coñecemento

O obxectivo que se pretende acadar co alumnado de 1º ESO neste reto é fomentar o pensamento crítico e a capacidade de distinguir entre información científica fiable e mitos negacionistas sobre o cambio climático.

A través de investigación en equipo, elaboración de materiais visuais e a súa divulgación na comunidade escolar, o alumnado aprenderá a comunicar de forma clara e impactante as verdades científicas que desmantelan os argumentos falsos.

Este reto tamén busca sensibilizar e concienciar o alumando sobre a importancia de combater a crise climática e empoderalo para que actúen como defensores do medio ambiente.

O obxectivo de facer unha conclusión ao final dun tema de hidrosfera e atmosfera a través dun mapa conceptual é axudar ao alumnado a sintetizar e organizar de forma visual os conceptos clave aprendidos.

Isto permite ver as conexións entre os distintos aspectos da hidrosfera e a atmosfera, como os procesos naturais, as interaccións entre eles e o impacto das actividades humanas.