1.1. Introdución ao reto

1.2. Cal é o noso reto?

O obxectivo deste reto é que o alumnado coñeza e poña en valor o patrimonio xeolóxico da súa contorna, desenvolvendo competencias de investigación, observación e representación espacial.

Ao elaborar un plano ou mapa cun xeoparque local, o alumnado aprende a identificar elementos xeolóxicos relevantes, comprende a súa orixe e importancia, e toma conciencia da necesidade de conservar e divulgar este patrimonio natural.

2.1. Sondaxe do terreo

O obxectivo de facer esta avaliación inicial dos coñecementos da xeosfera é identificar o nivel de comprensión que o alumnado ten sobre estes conceptos despois do seu estudo na etapa de educación primaria.

Isto vainos permitir detectar posibles carencias de coñecemento e distintos ritmos na aprendizaxe, axustar a ensinanza segundo as necesidades do grupo e garantir unha base sólida para avanzar no estudo destes temas de xeito máis profundo ao longo do REA.

3.1. Planeta cambiante

3.2. Os minerais

3.3. As rochas

3.4. A explotación de minerais e rochas

Neste recurso abórdase o estudio da estrutura interna da Terra, a tectónica de placas, as rochas, os minerais e a súa explotación.

A través do coñecemento da estrutura e dinámica da Terra e da formación das rochas e minerais, o alumnado pode entender mellor como se forman os recursos xeolóxicos, os riscos naturais asociados e a importancia de xestionar de forma sostible estes materiais.

Isto permite valorar o impacto da actividade humana sobre o medio xeolóxico e tomar conciencia da necesidade de protexer e conservar o patrimonio natural para garantir un futuro sostible.

4.1. Explorando a contorna

4.2. Mapeando os descubrimentos

4.3. Divulgando o xeoparque

O obxectivo que se pretende acadar co alumnado de 1º ESO neste reto é comprender a importancia do patrimonio xeolóxico local e desenvolver a súa capacidade para identificalo, valoralo e comunicalo de maneira clara e creativa.

A través da elaboración dun plano ou mapa a escala da súa vila ou comarca, no que se localicen puntos de interese xeolóxico (formacións rochosas, minas, paisaxes modeladas pola xeodinámica...), o alumnado aprenderá a recoñecer os elementos máis relevantes da xeosfera na súa contorna.

Este reto tamén busca fomentar o traballo en grupo, o uso de fontes científicas fiables e o respecto pola natureza, ao tempo que se promove o sentimento de identidade local e a idea de que a divulgación científica pode ser unha ferramenta útil para a protección e valorización do medio.

O obxectivo de facer unha conclusión ao final dun tema de hidrosfera e atmosfera a través dun mapa conceptual é axudar ao alumnado a sintetizar e organizar de forma visual os conceptos clave aprendidos.

Isto permite ver as conexións entre os distintos aspectos da xeosfera: o estudio da estrutura interna da Terra, a tectónica de placas, as rochas, os minerais e a súa explotación