Este REA está enfocado a desenvolverse en 12 sesións dentro da aula ordinaria onde se imparta a área de Educación Plástica e Visual de cada centro. Busca adaptarse a calquera contexto pero tendo de fío condutor ao artista Andy Warhol, que será o que impregne todas as creacións do alumando. A maiores cobra especial importancia a decoración do centro nas conmemoracións do Día escolar da non violencia e a paz, Entroido e Día da muller.

O alumnado realizará producións propias tanto plásticas como tecnolóxicas, tocando así os 4 bloques de contidos nos que se divide a área. O traballo en equipo será fundamental para poder realizar as actividades con éxito.