Recursos materiais necesarios

Este recurso está deseñado para a súa utilización na aula, no colexio e na contorna, polo que algúns dos materiais necesarios para o seu aproveitamento son:

• Policubos.
• Equipos informáticos co software Geogebra.
• Cámara fotográfica.

Proposta de agrupamentos para actividades grupais

Neste REA ofrécense actividades que poden facerse de xeito individual ou en grupo.

Os agrupamentos que se propoñen neste REA están baseados nun proxecto de cooperación e colaboración, onde o grupo-clase se divide en grupos de ata catro estudantes. A cada alumno e alumna, dentro do seu grupo asígnase un rol ou función, cunhas tarefas específicas. Estes roles iranse intercambiando de modo que cada persoa poida participar e experimentar os diferentes roles establecidos.

Produtos finais

O reto final deste REA é que o alumnado faga un catálogo de figuras xeométricas do entorno de como mínimo cinco figuras xeométricas. 

Dado que a presenza de maior variedade de figuras xeométricas depende do entorno no que se desenvolva a actividade, debe ser o docente quen indique os lugares de traballo, podendo usar os datos das actividades previas ou ben usar datos novos dunha contorna diferente.

Enfoque multinivel do reto

Dado que o catálogo pode conter maior número de figuras xeométricas, o alumnado ou o profesorado pode indicar a necesidade de incluír un maior número de figuras xeométricas. 

Ademais, o catálogo pódese realizar en soporte físico ou soporte dixital, utilizando tanto fotografías como debuxos realizados polo alumnado.