Este REA, en relación coa programación didáctica de referencia publicada en PROENS para a materia de "Lingua Galega e Literatura" de 5º de Primaria, contextualízase na unidade 6. "Así son eu". Pola súa situación que se enmarcaría arredor do 2º trimestre, e despois de traballar o resto de bloques do currículo, pretende tamén que o alumnado integre o aprendido nas unidades previas da programación anual.
O recurso englóbase fundamentalmente nos bloques de contido 2. Comunicación oral, 3. Comunicación escrita e 6. Reflexións sobre a lingua e os seus usos nos que se traballa a expresión e comprensión oral e escrita a través de diferentes formatos que inclúen as tecnoloxías da información e a comunicación.
Os contidos da materia que se recollen neste REA son:
| Contidos |
Bloque da materia |
- Estratexias para a utilización da linguaxe oral como instrumento de comunicación e aprendizaxe: escoitar, recoller datos, preguntar, exposición de ideas e para a identificación e interpretación do sentido global do texto e de integración da información explícita de textos orais e multimodais sinxelos.
- Participación activa en situacións de comunicación, espontáneas e dirixidas, utilizando un discurso coherente, ordenado e lóxico, construíndo o discurso de acordo coas necesidades comunicativas de cada situación, valorando as normas que rexen a interacción oral, e mobilizando a empatía na escoita e na expresión para transmitir necesidades, vivencias e emocións propias e alleas.
- Estratexias para a adquisición de destrezas sobre xéneros discursivos propios do ámbito persoal, social e educativo. Contido e forma. Redes sociais e os seus riscos.
|
Bloque 2 |
- Construción do pensamento crítico a través da lingua para evitar a discriminación.
- Elementos gráficos e paratextuais que faciliten a organización e claridade do texto.
- Valoración da propia produción escrita e da produción escrita dos compañeiros e compañeiras.
|
Bloque 3 |
- Modalidades oracionais en relación coa intención comunicativa.
- Estratexias para o establecemento de xeneralizacións sobre aspectos lingüísticos elementais na estrutura do galego, prestando especial atención ao valor expresivo dos determinantes e ás relacións fundamentais entre os esquemas semántico e sintáctico da oración simple, a partir de metalinguaxe específica elemental.
- Mecanismos léxicos básicos para adquisición de vocabulario a través da formación de palabras e enunciados.
- Estratexias de revisión e modificación de textos para mellorar a súa comprensión a través do uso de recursos lingüísticos apropiados.
|
Bloque 6 |
Temos claro que o desenvolvemento destes bloques da materia de Lingua e Literatura Galega non debe entenderse de maneira illada e o seu tratamento debe de ser integral. Isto implica unha transferencia de coñecementos, destrezas e actitudes doutras disciplinas que quedan recollidos nestes bloques interrelacionados.
Os obxectivos da materia que se traballan neste REA son os que seguen:
| Obxectivos |
Descrición |
| OBX 3 |
Producir textos orais e multimodais con coherencia, claridade e rexistro adecuados para expresar ideas, sentimentos e conceptos; construír coñecemento; establecer vínculos persoais; e participar con autonomía e unha actitude cooperativa e empática en interaccións orais variadas. |
| OBX5 |
Producir textos escritos e multimodais, con corrección gramatical e ortográfica básicas, seriando correctamente os contidos e aplicando estratexias elementais de planificación, textualización, redacción, revisión e edición para construír coñecemento e para dar resposta a demandas comunicativas concretas. |
| OBX 9 |
Reflexionar de forma guiada sobre a linguaxe a partir de procesos de produción e comprensión de textos en contextos significativos, utilizando a terminoloxía elemental adecuada para iniciarse no desenvolvemento da conciencia lingüística e para mellorar as destrezas de produción e comprensión oral e escrita. |
| OBX 10 |
Pór as propias prácticas comunicativas ao servizo da convivencia democrática utilizando unha linguaxe non discriminatoria e detectando e rexeitando os abusos de poder a través da palabra para favorecer un uso no só eficaz senón tamén ético da linguaxe. |
A continuación inclúense os descritores das competencias clave que marca a normativa vixente e que son traballadas neste recurso.
| Competencias clave |
Clave dos descritores operativos |
| Competencia comunicación lingüística (CCL) |
CCL 1, CCL 2, CCL 3, CCL 5 |
| Competencia Plurilingüe (CP) |
CP 2, CP 3 |
| Competencia matemática, en ciencia, tecnoloxía e enxeñería (STEM) |
STEM 1, STEM 2 |
| Competencia dixital (CD) |
CD 2, CD 3 |
| Competencia persoal, social, cívica e de aprender a aprender (CPSAA) |
CPSAA 3, CPSAA 5 |
| Competencia cidadá (CC) |
CC 1, CC 2, CC 3 |
| Competencia emprendedora (CE) |
CE 1 |
| Competencia conciencia e expresións culturais (CCEC) |
|