Criterios de avaliación e mínimos de consecución

Lembramos que os criterios de avaliación que aquí se amosan son os que contén a unidade didáctica 6 de PROENS. Pode haber criterios de avaliación (CA) que aparezan máis dunha vez debido a que poden ter mínimos de consecución variados tamén un peso orientativo que, neste caso, corresponde co establecido nas programacións de PROENS.

Códigos CA: descrición dos criterios de avaliación	Mínimos de consecución	Instrumentos de avaliación	Unidad didáctica (PROENS)	% (Orientación de PROENS)
CA3.6: Producir textos escritos e multimodais coherentes e sinxelos, en distintos soportes, a partir do modelo discursivo que mellor responda a cada situación comunicativa, progresando na aplicación das normas gramaticais e ortográficas básicas ao servizo da cohesión textual e mobilizando estratexias sinxelas, individuais ou grupais, de planificación, textualización, revisión e edición.	Redacta un autorretrato breve, con características axeitadas.	Proba escrita	6	14
CA3.9: Acadar as destrezas e competencias lingüísticas a través do uso da lingua escrita.	Utiliza nunha narración propia un vocabulario axeitado e sen redundancias	Proba escrita	6	12
CA6.2: Producir en galego textos escritos e multimodais coherentes de relativa complexidade, en distintos soportes, seleccionando o modelo discursivo que mellor responda a cada situación comunicativa, progresando no uso das normas gramaticais e ortográficas básicas e mobilizando, de maneira puntualmente acompañada, estratexias sinxelas, individuais ou grupais, de planificación, redacción, revisión e edición.	Utiliza as formas verbais de maneira correcta en exemplos comúns.	Proba escrita	6	13
CA6.3: Establecer xeneralizacións sobre aspectos básicos do funcionamento da lingua galega de maneira acompañada, formulando hipótese e buscando contraexemplos, a partir da observación, comparación e transformación de palabras, enunciados e textos, nun proceso de produción ou comprensión de textos en contextos significativos.	Reelabora textos descritivos modificando formas verbais sen cambiar o significado	Táboa de indicadores	6	13
CA6.4: Revisar e mellorar os textos propios e alleos e emendar algúns problemas de comprensión lectora, de maneira progresivamente autónoma, a partir da reflexión metalingüística e interlingüística e usando a terminoloxía básica adecuada.	Mellora a redacción de textos de vivencias persoais logo da súa lectura	Táboa de indicadores	6	12
CA6.6: Aplicar os coñecementos sobre as categorías gramaticais e as regras de ortografía, tendo en conta aspectos diferenciais co castelán, para favorecer unha comunicación máis eficaz.	Utiliza correctamente o b/v en exercicios con vocabulario adecuado	Táboa de indicadores	6	12
CA2.5: Expresarse oralmente con coherencia para satisfacer necesidades de comunicación en diferentes situacións, cun vocabulario axeitado ao seu nivel a partir de experiencias e interaccións orais próximas.	Transmite aos e ás demais oralmente as súas emocións	Táboa de indicadores	6	12
CA3.10: Construír, a través da linguaxe, un pensamento crítico para evitar discriminacións e prexuízos.	Nas descricións persoais recoñece aspectos positivos e negativos.	Táboa de indicadores	6	12
Lenda: %: Peso orientativo (o profesorado debe axustalo á súa programación); Proba escrita: Proba escrita, Táboa de indicadores: Táboa de indicadores

Actividades e instrumentos empregados no REA

A continuación preséntase a táboa de criterios de avaliación relacionados coas actividades. Tamén se indica a situación exacta da actividade no REA. Por último indícase o instrumento de avaliación empregado para cada actividade. Deben terse en conta unha serie de cuestións:

- Neste REA non se inclúen as probas escritas dos Criterios de Avaliación (CA) que en PROENS se avalían con ese tipo de instrumento. Porén, os CA, serían perfectamente avaliables coas actividades que aquí se propoñen e os instrumentos alternativos que se facilitan; ou, no seu defecto, axudan a preparar para a súa avaliación.
- Cando na táboa que segue se sinala unha actividade con "Proba escrita" como instrumento empregado, isto significa que é preciso que o alumnado realice unha produción escrita en menor ou maior medida. Algunhas delas son xa retroalimentadas.

Criterios de avaliación	Actividades ou exercicios / Seccións do REA	Instrumentos empregados
CA3.6 - Producir textos escritos e multimodais coherentes e sinxelos, en distintos soportes, a partir do modelo discursivo que mellor responda a cada situación comunicativa, progresando na aplicación das normas gramaticais e ortográficas básicas ao servizo da cohesión textual e mobilizando estratexias sinxelas, individuais ou grupais, de planificación, textualización, revisión e edición.	Creación dunha descrición de si mesmo e gravala para realización da actividade Tabú. (Fase 3.2)	Descrición persoal.
CA3.9 - Acadar as destrezas e competencias lingüísticas a través do uso da lingua escrita.	Actividade de realizar unha correcta descrición de persoas: famosas/ da vila ou anciáns dunha residencia. (Fase 4: Reto 1)	Descricións persoais variadas.
CA6.2 - Producir en galego textos escritos e multimodais coherentes de relativa complexidade, en distintos soportes, seleccionando o modelo discursivo que mellor responda a cada situación comunicativa, progresando no uso das normas gramaticais e ortográficas básicas e mobilizando, de maneira puntualmente acompañada, estratexias sinxelas, individuais ou grupais, de planificación, redacción, revisión e edición.	Actividade multinivel de poñer a forma correcta ofrecendo o infinitivo/selecciona a forma correcta/ identifica e analiza as formas verbais . Traballo da rutina e dos tempos verbais en pasado, presente e futuro. (Fase 2.2)	Actividades interactivas.
CA6.3 - Establecer xeneralizacións sobre aspectos básicos do funcionamento da lingua galega de maneira acompañada, formulando hipótese e buscando contraexemplos, a partir da observación, comparación e transformación de palabras, enunciados e textos, nun proceso de produción ou comprensión de textos en contextos significativos.	1.- Ordenar un texto descritivo/biográfico dun personaxe famoso. Ou por anacos de texto, escoller e arrastrar á persoa que lle corresponda a información. (Fase 3.1) 2.- Completar textos descritivos empregando as formas verbais correspondentes, facilitando soamente o infinitivo. (Fase 3.1)	Actividades interactivas.
CA6.4 - Revisar e mellorar os textos propios e alleos e emendar algúns problemas de comprensión lectora, de maneira progresivamente autónoma, a partir da reflexión metalingüística e interlingüística e usando a terminoloxía básica adecuada.	Realizar un diario tipo "como se fixo" da preparación do xogo. Traballo da rutina e dos tempos verbais en pasado, presente e futuro. (Fase 4: Reto 2)	Redacción.
CA6.6 - Aplicar os coñecementos sobre as categorías gramaticais e as regras de ortografía, tendo en conta aspectos diferenciais co castelán, para favorecer unha comunicación máis eficaz.	Actividades interactivas para o traballo do b/v. (Fase 2.2) 1.- Completar un texto coas palabras axeitadas. 2.- Completar as palabras empregando a consoante correcta dentro dun texto. 3.- Arrastrar palabras	Actividades interactivas.
CA2.5 - Expresarse oralmente con coherencia para satisfacer necesidades de comunicación en diferentes situacións, cun vocabulario axeitado ao seu nivel a partir de experiencias e interaccións orais próximas.	Xerar debate posterior a actividade grupal da fase 3. Tabú Imaxe persoal e do resto, riscos sobre a difusión de videos, e opinións sobre as demais persoas. (RRSS). (Fase 3.2)	Actividade individual/grupal.
CA3.10 - Construír, a través da linguaxe, un pensamento crítico para evitar discriminacións e prexuízos.	Xogo do Quen é quen (taboleiro). Atopar as diferenzas, descartes e demais. Pódese xogar en parellas e axuda a traballar a oralidade. (Fase 4: Reto 3)	Xogo de mesa.