Este REA (Recurso Educativo Aberto) céntrase na adquisición dos contidos relacionados coa expresión de vivencias persoais: as experiencias persoais nos textos escritos (diarios, biografías, descricións de persoas); o verbo, a raíz e desinencias; uso de "b" e "v".

Nesta situación de aprendizaxe, o alumnado terá que crear diferentes xogos para a interacción do alumnado. A través do produto final poderanse facer públicos estes xogos á comunidade educativa ou á localidade propia do alumnado.

As metas de aprendizaxe son:

1. A expresión de vivencias persoais.
2. As experiencias persoais nos textos escritos: diarios, biografías, descricións de persoas.
3. O verbo, a raíz e desinencias. Uso de "b" e "v".
4. Practicar a oralidade e potenciar a expresión oral e escrita
5. Aprender a describirnos a nós mesmos e aos demais.
6. Deseñar diferentes xogos de descrición persoal e compartilos coa comunidade educativa e coa comunidade local.
7. Recoñecer e empregar correctamente os adxectivos