Temporalización do REA
Este REA está formado polas unidades didácticas 1 e 2 publicadas en PROENS para a materia de Lingua Galega e Literatura de 5º de Educación Primaria. En total está pensado para desenvolver ao longo de 32 sesións ao longo do primeiro trimestre.
A continuación inclúese unha estimación da temporalización recomendada para cada fase deste recurso:
| Fase | Seccións | Descrición do traballo a desenvolver | Temporalización |
|---|---|---|---|
|
1. Un cole descontrolado! (Mobilizar) |
1.1. Podemos mellorar a escola? 1.2. Sabemos que facer! |
Sesión de motivación e presentación da tarefa. Presentación da problemática e do tema central, os textos instrutivos. | 2 sesións |
|
2. Que sabemos? (Activar e recordar) |
2.1. Mestras da gramática 2.2. A miña lingua, o galego |
Sesión de revisión e activación de coñecementos previos nesta e noutras materias | 3 sesións |
|
3. Conexión (Explorar, revisar e estruturar) |
3.1. Manual de canles de comunicación 3.2. Guía da nosa lingua e da fala de cada quen 3.3 Manual de creación de palabras 3.4. O prospecto de acentuación 3.5. As receitas do substantivo |
Sesións con actividades informativas e interactivas utilizando como fío condutor os textos instrutivos. A través deles trabállanse diferentes aspectos gramaticais do currículo. Están deseñadas para crear interese no alumnado dende a perspectiva do “aprender pensando”. O alumnado é o protagonista nos procesos de ensino-aprendizaxe. Inclúe sesións con actividades interactivas multinivel e opcións diferentes para garantir a consecución da actividades. Foméntase a reflexión metacognitiva do alumnado a través de procedementos dedutivos do pensamento. Utilizase o diario de aprendizaxe con canle e guía para eses procesos. |
13 sesións |
|
4. Reto final (Aplicar e comprobar) |
4.1. Seleccionadoras de retos! 4.2. Espías dos contidos 4.3. Construtoras de textos 4.4. Presentacións TOP! |
Sesións dirixidas á realización dos retos propostos, que pretenden dar solución a diversas problemáticas na aula/centro do alumnado. Implican a creación colectiva e o traballo en grupo. | 12 sesións |
|
5. Conclusións (Concluír e comunicar) |
5.1. Defensoras de retos 5.2. Persoas expertas avaliadoras |
Sesións vinculadas á presentación dos resultados e produtos obtidos nos retos da fase 4. Realízase a través da auto-reflexión, individual e en grupo, sobre a utilidade do aprendido e a exposición dos resultados ao resto do alumnado da aula. | 2 sesións |