Temporalización prevista en base á programación prevista en PROENS:

En consoancia coa planificación curricular establecida en PROENS, deseñouse unha temporalización detallada que articula as diversas fases da situación de aprendizaxe da área correspondente. Esta planificación estrutúrase nun conxunto de sesións, cada unha adicada a unha fase específica, co propósito de guiar de maneira organizada e coherente o proceso de ensino e aprendizaxe do alumnado.

Esta planificación temporal proporciona unha visión global do desenvolvemento da área ao longo do tempo, facilitando así a planificación e seguimento axeitado do proceso educativo.

Para visualizar esta distribución temporal, preséntase a continuación unha táboa que relaciona as diferentes fases da situación de aprendizaxe co número de sesións previstas para cada unha, xunto cunha breve descrición do traballo a desenvolver en cada etapa:

Fase	Seccións	Para que?	Temporalización
1. Pasiño a pasiño, muiñeiramos no Camiño!	1.1 Foliada polo Samaín! 1.2 Camiñamos pola música galega 1.3 Diario de aprendizaxe: Fin de etapa, reflexionamos?	Sesión de motivación e presentación do reto a través da peregrinación da personaxe Remi que fará o Camiño de Santiago dende A Guarda como fío conductor. Introdución ao reto.	1 e 1/2 sesión
2. Antes de camiñar. Revisamos os nosos pasos?	2.1 A Illa da linguaxe musical! 2.2 Movemos o esqueleto! 2.3 Tocamos! 2.4 Escoitamos! 2.5 Diario de aprendizaxe: Fin de etapa, reflexionamos?	Activación de coñecementos previos sobre aspectos da linguaxe musical, a música tradicional galega e a muiñeira. Introdución á interpretación instrumental con frauta doce (Escala de Dó).	3 e 1/2 sesións
3. O Camiño non se anda, dánzase!	3.1 Comezamos a foliada! 3.2 Practicamos coa frauta doce! 3.3 Coñecemos a muiñeira! 3.4 Muiñeira vai! 3.5 Que instrumentos están a soar? 3.6 Diario de aprendizaxe: Fin de etapa, reflexionamos?	Sesións adicada á aprendizaxe e interpretación da Muiñeira de Lugo e práctica instrumental.	4 e 1/2 sesións
4. Reto final: Muiñeiramos!	4.1 O baile e a danza. 4.2 Diario de aprendizaxe: Fin de etapa, reflexionamos?	Achegamento ás danzas e bailes do mundo. Sesión de posta en común da muiñeira nun evento.	4 sesión
5. Que levo na mochila?	5.1 Trivimusical 5.2 Diario de aprendizaxe: Fin do camiño, reflexionamos peregrina/o?	Repasamos e reflexionamos sobre o aprendido.	1/2 sesión
6. Diario de aprendizaxe		Reflexión de xeito individual e colectivo sobre o aprendido.	Todas as fases