Criterios de avaliación e mínimos de consecución
Na seguinte táboa recóllense os criterios de avaliación, os mínimos de consecución que se contemplan para cada criterio, os instrumentos de avaliación previstos e a súa ponderación (en base á proposta de Proens).
| Códigos CA: descrición dos criterios de avaliación | Mínimos de consecución | Instrumentos de avaliación | Unidade/s didáctica/s (Proens) | % (Orientación de Proens) |
|---|---|---|---|---|
| CA1.1 - Distinguir propostas artísticas musicais de diferentes xéneros, estilos, épocas e culturas, a través da recepción activa e mostrando curiosidade por estas. | Elabora unha listaxe dos diferentes subxéneros da música tradicional galega engadindo características básicas propias dos mesmos e asociando os instrumentos á familia correspondente. | TI | Corda, vento e percusión | 7 |
| CA1.3 - Identificar visual e auditivamente, clasificar, describir e representar elementos da música e da linguaxe musical. | Identifica e representa os seguintes elementos e agrupacións da linguaxe musical: redonda; branca; negra (con puntiño e silencios); dobre corchea; 4 semicorcheas; barra de compás (divisoria, final e de repetición); clave sol; compases de 2/4, 3/4 e 4/4. | PE (Non incluída no REA) | Corda, vento e percusión | 20 |
| CA1.6 - Valorar as sensacións e emocións producidas por diferentes manifestacións culturais e artísticas musicais, a partir da análise e da comprensión das devanditas manifestacións. | Expresa o significado e o valor que teñen para ela/el as sensacións e as emocións que lle producen as diferentes manifestacións culturais que se lle presentan. | TI | Corda, vento e percusión | 7 |
| CA1.7 - Manifestar respecto na recepción de propostas artísticas musicais, interiorizando as normas elementais de comportamento e mostrando unha actitude positiva. | Manifesta respecto na recepción de propostas artísticas musicais amosando unha actitude positiva. | TI | Corda, vento e percusión | 8 |
| CA2.1 - Producir obras propias básicas utilizando as posibilidades expresivas do corpo, o son, a imaxe e os medios dixitais básicos e mostrando confianza nas capacidades propias. | Interpreta na frauta doce as notas do-si; si bemol; do-sol agudos e improvisa unha melodía no xilófono (ou instrumento semellante) sobre unha base musical, empregando unha escala pentatónica. | TI | Corda, vento e percusión | 7 |
| CA2.3 - Utilizar elementos da linguaxe musical para interpretar propostas musicais vocais e instrumentais sinxelas a través da vivencia destes. | Interpreta nun instrumento de percusión de altura indeterminada (PAI) o patrón da alborada (negra + dobre corchea) seguindo as indicacións de pulso dun metrónomo. | TI | Corda, vento e percusión | 7 |
| CA2.7 - Manifestar respecto na realización de actividades, interiorizando as normas elementais de comportamento e mostrando unha actitude positiva e empática cara á expresión de ideas, sentimentos e emocións dos demais. | Manifesta respecto na realización de actividades musicais amosando unha actitude positiva. | TI | Corda, vento e percusión | 8 |
| CA3.1 - Distinguir propostas artísticas escénicas e performativas de diferentes xéneros, estilos, épocas e culturas, a través da recepción activa e mostrando curiosidade por estas. | Recoñece as partes dunha muiñeira e os pasos de vasco, punta-tacón e diante-detrás. | TI | Corda, vento e percusión | 7 |
| CA3.5 - Valorar as sensacións e emocións producidas por diferentes manifestacións culturais e artísticas escénicas e performativas, a partir da análise e da comprensión das devanditas manifestacións. | Expresa o valor que lle producen as sensacións e emocións xeradas por diferentes manifestacións culturais e artísticas escénicas e performativas. | TI | Corda, vento e percusión | 7 |
| CA3.6 - Manifestar respecto na recepción de propostas artísticas escénicas e performativas, interiorizando as normas de respecto de comportamento e mostrando unha actitude positiva. | Manifesta respecto na recepción de propostas artísticas escénicas e performativas e mostra unha actitude positiva. | TI | Corda, vento e percusión | 8 |
| CA4.1 - Producir obras propias básicas utilizando as posibilidades expresivas do corpo, o son, a imaxe e os medios dixitais básicos e mostrando confianza nas capacidades propias. | Participa grupalmente no baile dunha muiñeira realizando de forma correcta os pasos de vasco, punta-tacón e diante-detrás. | TI | Corda, vento e percusión | 7 |
| CA4.6 - Manifestar respecto na creación e interpretación de propostas artísticas escénicas e performativas, interiorizando as normas elementais de comportamento e mostrando unha actitude positiva e empática cara á expresión de ideas, sentimentos e emocións dos demais. | Manifesta respecto na realización de actividades escénicas e performativas amosando unha actitude positiva. | TI | Corda, vento e percusión | 7 |
| CA3.2 - Describir manifestacións culturais e artísticas escénicas e performativas explorando as súas características con interese, establecendo relacións entre elas, valorando a diversidade que as xera, así como as principais profesións vinculadas á creación e interpretación escénica e performativa, e empregando o vocabulario específico destas. | Describe diferentes mostras de danzas representativas doutros lugares do mundo elaborando unha ficha sobre unha delas que inclúa a súa descrición e o paso ou a característica que máis lle chamou a atención. | TI | Músicas e danzas do mundo | 7 |
| CA3.4 - Comparar o significado e os elementos característicos de distintas manifestacións culturais e artísticas escénicas e performativas que forman parte do patrimonio de diversas contornas, analizando as canles, medios e técnicas vinculados a elas, así como as súas diferenzas e similitudes, e desenvolvendo criterios de valoración propios. | Realiza algún tipo de análise sobre as manifestacións culturais e artísticas musicais propostas. | TI | Músicas e danzas do mundo | 8 |
| CA4.3 - Planificar e deseñar producións culturais e artísticas escénicas e performativas colectivas, traballando de forma cooperativa na consecución dun resultado final que cumpra cuns obxectivos acordados e asumindo diferentes roles, desde a igualdade e o respecto á diversidade. | Participa en grupo na creación e na interpretación dunha coreografía (dalgunha obra ou canción elixida libremente) cuxos pasos se reflictan nun traballo. | TI | Músicas e danzas do mundo | 10 |
| CA4.5 - Compartir os proxectos creativos escénicos e performativos empregando diferentes estratexias comunicativas a través de diversos medios e explicando o proceso e o resultado final obtido. | Explica o proceso realizado, as dificultades atopadas e o resultado final da creación da coreografía proposta no mínimo de consecución do CA4.3. | TI | Músicas e danzas do mundo | 10 |
| Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores | ||||
Ao desenvolver de maneira conxunta dúas unidades didácticas da programación modelo de Proens, é preciso facer unha media ponderada coas porcentaxes anteriores para o cálculo da cualificación final.