Temporalización do REA
Esta situación de aprendizaxe está deseñada para 8 sesións. Débese ter en conta que esta proposta de distribución busca como obxectivo principal non reducir en exceso o tempo de acción motriz co alumnado. A tipoloxía da área e o escaso número de sesións anuais, fan que o compoñente motriz sexa sempre unha prioridade sen obviar que haberá momentos na aula ordinaria para exploración de contidos e realización de actividades interactivas que guían este REA.
Na proposta planificase unha primeira sesión na aula na que se entenderá o reto proposto (Fase 1), se realizarán uns exercicios interactivos sinxelos nos que activar os seus coñecementos previos conceptuais dos contidos a tratar e faranse os equipos de traballo coas consignas do mestre ou mestra (Fase 2) e xa se presentará o contido das redes sociais do punto 3.1 (Fase 3) para poder comezar a configurar os seus perfiles individuais e de grupo no seu tempo de lecer. Na segunda sesión, que xa é motriz, realizaremos unha avaliación inicial/coñecementos previos da Fase 2.
A partir dese intre, comezaríamos a segunda parte da Fase 3 relativa aos contidos propios de Educación Física que teñen relación co reto. A dinámica das sesións que propoñemos é que o alumnado teña a posibilidade de visualizar previamente na casa (ou nun momento que non sexa durante a sesión) o contido que imos tratar durante as sesións motrices para así anticipar eses contidos. Os contidos trataranse igualmente nas sesións motrices pero esa ampliación con vídeos e lecturas, ten máis profundidade no REA interactivo, que sería o fío condutor da situación de aprendizaxe. Tamén, posto que o diario de aprendizaxe require dun proceso de reflexión ao rematar cada bloque, cubrirase nun momento ao final de cada fase, ben sexa na aula ou noutro momento que o alumnado atope. Durante a Fase 3, nas sesións motrices xa estarán gravando o contido e interactuando entre eles. Ese contido servirá para a montaxe da súa rede social, correspondente á Fase 4.
A Fase 5, correspondentes á presentación dos seus retos e as conclusións e reflexións conxuntas sobre a rede social, realizarase na aula.
| Fase | Seccións | Descrición do traballo a desenvolver | Temporalización |
|---|---|---|---|
| FASE 1: Enrédate |
1.1 Un mundo súper conectado 1.2 O reto 1.3 Obxectivos 1.4 O noso plan de acción 1.5 Diario de aprendizaxe |
|
Sesión 1 Aula ordinaria |
| FASE 2: Comparte o que xa sabes |
2.1 Os equipos 2.2 Que sabes sobre as redes sociais? 2.3 Que saben as redes sociais sobre ti? 2.4 Emocións e redes 2.5 Diario de aprendizaxe |
|
Sesión 1 (S1) Aula ordinaria Sesión 2 (S2) Sesión motriz de avaliación inicial |
| FASE 3: Unha rede chea de contidos |
3.1 Redes sociais e algo máis... 3.2 Configuramos a nosa rede 3.3 O noso contido: a expresión corporal Bailes e danzas tradicionais Acrosport Dramatizacións 3.4 Diario de aprendizaxe |
|
Sesión 1 (S1) Aula ordinaria A continuación comezase a complementar as sesións motrices con metodoloxía coma aula invertida (Flipped Classroom) Sesións 3-4-5-6-7 Sesións motrices centradas nos contidos. Simultaneamente o alumnado fai as gravacións e interaccións cos compañeiros/as e cos contidos creados. |
| FASE 4: Experimenta coa rede social |
4.1 Crea contido 4.2 Interacciona 4.3 Comproba o teu reto 4.4 Diario de aprendizaxe |
|
Sesións motrices 3-4-5-6-7 Gravacións durante as sesións motrices e tempos de lecer para as interaccións |
| FASE 5: Conclusións |
5.1 Coavaliación e reflexión 5.2 O traballo en equipo 5.3 Valoro o meu traballo 5.4 Diario de aprendizaxe |
|
Sesión 8 (S8) Conclusións |