A nosa pegada no cole

Este é o REA (Recurso Educativo Aberto) número 3 elaborado no proxecto cREAgal para a área de Ciencias Sociais de 5º de Educación Primaria.

O alumnado familiarizarase con conceptos como poboación, emigración, censo ou densidade de poboación. Tamén comprenderá a organización do territorio, partindo dunha análise dende a Comunidade Europea, para a continuación pasar pola organización do Estado, a organización da provincia e o concello, para chegar finalmente ao entorno máis próximo do colexio. 

O reto traballado na situación de aprendizaxe consistirá en facer propostas en equipo para mellorar a escola. As propostas  valoraranse para ver cales se materializan, presentando as devanditas iniciativas nunha exposición.