Entre ondas, seguimos mareas

Este é o REA (Recurso Educativo Aberto) número 2 -dun total de 6- elaborado no marco do proxecto cREAgal para a materia de Lingua Galega e Literatura de 1º de Educación Secundaria Obrigatoria.

A situación de aprendizaxe ten como fío condutor a Lusofonía, e está deseñada para que o alumnado se aproxime á obra de diferentes autoras e autores do mundo lusófono cun enfoque competencial orientado á investigación, á análise e á aplicación práctica dos contidos.

O reto proposto consiste na creación de material audiovisual, podendo xerarse dous tipos de produtos: un poemario- despois de realizar un obradoiro de poesía en cada unha das fases da situación de aprendizaxe- e un pódcast sobre un país lusófono.