Sol, augas e plantas

Este é o REA (Recurso Educativo Aberto) número 2 -dun total de 8- elaborado no marco do proxecto cREAgal para a materia de Xeografía e Historia de 1º de Educación Secundaria Obrigatoria.

A situación de aprendizaxe desenvolvida articúlase ao redor de contidos relacionados coa atmosfera e os climas, as augas e a vexetación natural do planeta; situando ao alumnado nun contexto competencial orientado á investigación, á análise e á aplicación práctica dos coñecementos relacionados co clima.

O reto proposto consiste na elaboración grupal dun póster, elixindo un dos lugares de España e o seu clima entre un abano de posibilidades proposto polo profesorado, cubrindo todas as variedades climáticas.