Entre ondas, seguimos mareas

Este é o REA (Recurso Educativo Aberto) número 2 elaborado no proxecto cREAgal para a materia de Lingua Galega e Literatura de 1º de Educación Secundaria Obrigatoria.

Nesta situación de aprendizaxe  relacionada coa creación de material audiovisual, hai un dobre reto: un poemario despois de realizaren un obradoiro de poesía en cada unha das fases e un podcast sobre un país lusófono.

Correspóndese coas unidades 2ª e 3ª da programación PROENS de Lingua galega e literatura para 1º de ESO. Está pensado para desenvolverse durante 25 sesións no 1º trimestre do curso, aínda que ao ser un recurso aberto pode realizarse total ou parcialmente cando mellor lle conveña ao profesorado.