ruArte

Este é o REA (Recurso Educativo Aberto) número 2 -dun total de 4- elaborado no marco do proxecto cREAgal para a materia de Educación Plástica, Visual e Audiovisual de 1º de Educación Secundaria Obrigatoria.

A situación de aprendizaxe desenvolvida ten por obxectivo aplicar as técnicas básicas de expresión gráfico-plástica en dúas e tres dimensións para realizar melloras nas zonas deterioradas da contorna.

O reto proposto consiste na realización de pequenas intervencións artísticas sobre o espazo urbano que rodea ao alumnado. Traballarán de forma colaborativa para decidir o tema ou mensaxe que queren transmitir coas diferentes intervencións, tendo en conta o contexto urbano e a cultura local.