EmbalArte

Este é o REA (Recurso Educativo Aberto) número 3 -dun total de 4- elaborado no marco do proxecto cREAgal para a materia de Educación Plástica, Visual e Audiovisual de 1º de Educación Secundaria Obrigatoria.

A situación de aprendizaxe desenvolvida pretende que o alumnado aplique os coñecementos de xeometría plana para decidir a forma e o deseño da embalaxe dun obxecto ou produto local, tendo en conta as necesidades de comunicación, uso, protección e transporte dese produto, e sempre dende unha perspectiva de respecto ao medio ambiente.

O reto proposto consiste en investigar e estudar o obxecto, planificar o deseño da embalaxe, tendo en conta a escala, forma e materiais, para finalmente valorar os produtos xerados.