XeaMat

Este é o REA (Recurso Educativo Aberto) número 2 elaborado no proxecto cREAgal para a materia de Matemáticas de 2º de Educación Secundaria Obrigatoria.

No desenvolvemento da situación de aprendizaxe, o alumnado integrará nos seus coñecementos unha parte dos bloques de sentido numérico e socioafectivo do currículo de 2º de ESO, utilizando as fraccións e os números decimais para expresar cantidades e representalas nunha receita.

O recurso tamén busca incorporar estratexias de resolución de problemas e de traballo en equipo, a través de situacións reais motivadoras que requiran distintos niveis de dificultade.