Enredando por el mercado

Este é o REA (Recurso Educativo Aberto) número 2 -dun total de 8- elaborado no marco do proxecto cREAgal para a materia de Matemáticas de 5º de Educación Primaria.

A situación de aprendizaxe contextualízase coa organización dunha festa e a compra no mercado. Propón actividades prácticas como repartir alimentos (rosquillas, empanadas), dividir espazos ou calcular porcións, permitindo comprender a relación entre numerador e denominador, identificar fraccións equivalentes e realizar cálculos básicos.

O reto consiste en elaborar unha invitación para unha festa, aplicando os coñecementos sobre fraccións para repartir o espazo do documento, calcular cantidades de ingredientes ou organizar a distribución de asistentes. O produto debe integrar representacións gráficas das fraccións, cálculos xustificados e un deseño creativo.