El escarabajo escolar

Este é o REA (Recurso Educativo Aberto) número 6 -dun total de 6- elaborado no marco do proxecto cREAgal para a materia de Lingua Castelá e Literatura de 5º de Educación Primaria.

A situación de aprendizaxe coloca ao alumnado fronte ao problema de acumulación de lixo e a necesidade da procura de solucións para evitar a degradación do planeta. A través das noticias da prensa escrita, as alumnas e os alumnos coñecerán os tipos de palabras invariables e aprenderán a usar correctamente os signos de puntuación á hora de realizar unha boa redacción, así como as palabras compostas que tantas veces usan no día a día.

O reto consiste en montar un programa especial de televisión, no que se informará sobre o problema que supón o lixo que xeramos e as posibles solucións. Cada grupo elaborará e gravará en vídeo unha sección, e co conxunto de todas elas montarase o programa de televisión.