Este é o REA (Recurso Educativo Aberto) número 3 elaborado no proxecto cREAgal para a materia de Tecnoloxía e Dixitalización de 1º ESO. A situación de aprendizaxe que desenvolve pretende iniciar ao alumnado no proceso tecnolóxico a través da construción dunha estrutura que mellore o patio do seu centro educativo, facéndoo máis inclusivo.

Con este proxecto, o alumnado coñecerá os principais elementos estruturais, os tipos de esforzos e as cargas ás que están sometidos, ao tempo que se inician no manexo dos materiais e ferramentas básicas, cumprindo as normas de seguridade e hixiene.