Nesta unidade verás a orixe e desenvolvemento do teatro, unha das maiores contribucións dos gregos á cultura europea. O teatro foi durante séculos o espectáculo máis estimado e a escola do pobo. Tamén verás o máis importante da época helenística ou alexandrina, que propagou a cultura e a civilización grega desde Exipto ata a India.
Unidade didáctica de Grego de 1º de Bacharelato a distancia elaborada polo IES San Clemente
O Tempo, dono e señor do universo, devoraba ao seu paso a todas as súas criaturas. Moitos nobres e extraordinarios fillos naceron deste pai desapiadado, pero ningún escapaba á súa vontade destrutora. Ata que un día un deles, o Pensamento, ideou un arma poderosísima para eludir a ira paterna. Chamou ao seu invento escritura e con ela someteu e destronou ao seu proxenitor. A escritura é o escudo do pensamento contra a voracidade do tempo. Nesta unidade tes unha detallada información para ver ata que punto se cumpre a historia anterior.
Nesta unidade, ademais da segunda declinación e o imperfecto e futuro dos verbos ejimiv e luvw, vas seguir internándote na cultura grega. Vas estudar a orixe da épica, nas etapas da civilización grega vas estudar os enfrontamentos entre gregos e persas, e en léxico vas aprender que son os helenismos nas linguas modernas.
Entramos no estudo propiamente dito da morfoloxía. Igual que en latín, debes coñecer os paradigmas de cada declinación ou conxugación. Para iso é conveniente escribilos varias veces con exemplos distintos dos que veñen nesta guía, así como observar os trazos característicos dunha declinación, como, por exemplo, que o nominativo e vocativo de singular son case sempre iguais, que o acusativo case sempre remata en -n, que os xenitivos de plural rematan en -wn, etc.
