Chegou o momento de pechar o voso pódcast. Imos comezar polo principio. Collede de novo o guión 
que elaborastes e divide o traballo:
Con todo listo... a gravar sexa dito!
Xa tedes todas as pezas do pódcast, agora só falta encaixar unhas con outras. Para iso, empregade novamente a ferramenta Audacity, que sabedes manexar como profesionais.
Comezade por seleccionar as tomas mellor realizadas; a seguir, ordenádeas seguindo o guión e, por último, procedede a unilas.
A compoñer!
Por se xa non lembrades o visto anteriormente, aquí volve estar o vídeo que vos poderá axudar a rematar o reto.
A vosa andaina co pódcast remata aquí. Ao longo das fases anteriores empregastes unha rúbrica para ir mellorando o voso traballo. Agora chegou a hora de dar conta dos puntos que acadastes e dos que non acadastes; para iso, tedes que cumprimentar en equipo a seguinte lista de cotexo. De seguro que fixestes un gran traballo. Ademais, como vedes, incluso se non acadastes algún dos criterios, a súa cualificación non é un 0, posto que todo traballo ten que ser recoñecido. Collede folgos, e avaliade: fostes quen de superar o reto?
| Acadado | Non acadado | |
|---|---|---|
| O guión contén todos os apartados indicados. | (0,7) | (0,2) |
| O guión inclúe unha entrevista e unha recomendación literaria. | (0,75) | (0,2) |
| A redacción do guión non contén erros gramaticais nin ortográficos. | (0,75) | (0,2) |
| A introdución do pódcast contén todos os apartados. | (0,7) | (0,2) |
| A introdución do pódcast realízase cunha expresión de calidade, incluíndo a corrección, a fluidez do discurso, a orixinalidade... | (0,7) | (0,2) |
| A gravación da introdución realízase de maneira axeitada. | (0,7) | (0,2) |
| A parte central do pódcast contén todos os apartados. | (0,7) | (0,2) |
| A parte central do pódcast realízase cunha expresión de calidade, incluíndo a corrección, a fluidez do discurso, a orixinalidade... | (0,7) | (0,2) |
| A gravación da parte central realízase de maneira axeitada. | (0,7) | (0,2) |
| O peche do pódcast contén todos os apartados. | (0,7) | (0,2) |
| O peche do pódcast realízase cunha expresión de calidade, incluíndo a corrección, a fluidez do discurso, a orixinalidade... | (0,7) | (0,2) |
| A gravación do peche realízase de maneira axeitada. | (0,7) | (0,2) |
| Difúndese o pódcast por algunha das vías propostas (iVoox e/ou programa en directo). | (0,75) | (0,2) |
| O pódcast desenvólvese a través do traballo en equipo, de maneira colaborativa. | (0,75) | (0,2) |
Despois de moito sachar, por fin recolledes o froito, pois o grupo acadou o reto final. Foron días de compartir coñecementos, superar dificultades e poñer en común ferramentas e habilidades que contribuíron á resolución deste reto.
Estás satisfeita/o co resultado?
Colle o teu diario de aprendizaxe e a reflexionar!
Licenciado baixo a Licenza Creative Commons Atribución Non-comercial Compartir igual 4.0