Que é un caudalímetro?
Un caudalímetro é un aparello que mide canta auga pasa por un tubo. Pódese imaxinar como un contador de gotas moi rápido e preciso.
É moi útil para controlar o consumo de auga e axudarnos a aforrar.
Como funciona?
No interior do sensor hai unha pequena roda que xira coa auga. Cada volta representa un volume fixo de líquido, por exemplo: 2,25 mililitros.
O sensor conta esas voltas e envía os datos á Micro:bit, que calcula o caudal (litros por segundo).
Que fai un caudalímetro?
- A auga empurra a roda
- A roda xira e xera impulsos eléctricos
- A Micro:bit conta eses pulsos
- Multiplica por mililitros por pulso
- Mostra o resultado en litros por segundo
Exemplo
Se o sensor conta 40 pulsos nun segundo, e cada un vale 2,25 ml:
40 × 2,25 = 90 ml = 0,09 litros por segundo
Para que serve?
- Medir canta auga usas ao lavar os dentes
- Controlar o uso dunha regadeira no horto escolar
- Crear un sistema intelixente de aforro de auga no cole
- Participar nun proxecto de ciencia cidadá