Partes do anemómetro: sensor Hall
O sensor de efecto Hall é un dispositivo que detecta campos magnéticos. Neste proxecto, úsase para contar as voltas do anemómetro grazas a un pequeno imán colocado nunha das cazoletas.
Ao xirar co vento, o imán pasa preto do sensor, e cada vez que o fai, xérase un sinal que a Micro:bit detecta como unha volta completa.
María Souto Lorenzo. Sensor de efecto Hall (CC BY-SA)
Conexión dos cables:
- 🔴 Vermello → +5V
Proporciona alimentación ao sensor. - ⚫ Negro → GND
Retorno de corrente, pecha o circuíto. - 🟡 Amarelo → Datos
Envia o sinal á Micro:bit cando detecta o imán.
Este sistema permite á Micro:bit contar cantas veces xira o anemómetro, e a partir desa información, calcular a velocidade do vento.
Funcionamento
Funcionamente do sensor de Efecto Hall – María Souto Lorenzo
Licenza CC BY-SA
Como se calcula a circunferencia?
As cazoletas do anemómetro xiran formando un círculo. A distancia percorrida nunha volta completa é a circunferencia.
Fórmula: C = 2 × π × radio
Se o radio (distancia entre o centro das aspas ata o imán) do noso proxecto é de 6 mm = 0,006 m:
C = 2 × 3,14 × 0,006 = 0,0377 m
*π = 3,14
Como se calcula a velocidade?
velocidade = distancia total ÷ tempo
Se contamos 10 voltas en 20 segundos:
distancia = 0,0377 × 10 = 0,377 m
velocidade = 0,377 ÷ 20 = 0,01885 m/s