Unha cortadora láser é unha máquina que utiliza un feixe de luz láser (radiante e altamente concentrada) para cortar, gravar ou marcar materiais. O láser (siglas de Light Amplification by Stimulated Emission of Radiation, ou Amplificación da Luz por Emisión Estimulada de Radiación) é un feixe de luz coherente, de alta enerxía e moi focalizado que se utiliza para realizar cortes moi precisos e limpos en distintos materiais como metal, madeira, plástico, vidro, pedra, papel, entre outros. As cortadoras para materiais non metálicos soen ser de CO2, mentres as de fibra se empregan para metais. En cirurxía empréganse cortadoras de láser Nd, que achega a máxima precisión.

A cortadora láser que temos nos centros en Polos Creativos é unha Mr. Beam X de 10W de potencia. Neste titorial podes profundizar sobre a instalación e manipulación da máquina.

Aplicacións das cortadoras láser:

• Corte de materiais non metálicos: madeira, acrílico, plástico, tecido, papel.
• Corte e marcado de metais: aceiro, aluminio, cobre, latón, etc.
• Gravado de textos, logotipos, imaxes en materiais como madeira, vidro, metal e plásticos.
• Creación de pezas de alta precisión para a fabricación de dispositivos electrónicos e equipos mecánicos.
• Prototipado rápido: para crear prototipos de deseños antes de pasar á produción en masa.

Como funciona unha cortadora láser a grandes rasgos:

1. A cortadora láser xera o feixe láser a través de unha fonte de láser, que pode ser de tipo CO2 (dióxido de carbono), fibra, YAG (granate de itrio e aluminio) ou outros tipos de láser dependendo do material a cortar. Este feixe láser, que emite unha luz de alta frecuencia e baixa lonxitude de onda, é amplificado por un proceso de emisión estimulada dentro da fonte de láser.
2. Focalización do feixe: o feixe láser, unha vez xerado, é dirixido e focalizado nun punto moi pequeno mediante un sistema de espellos ou lentes. O tamaño do punto de focalización pode ser moi pequeno (do orde de micrómetros), o que permite cortar ou gravar materiais con moita precisión.
3. Sistemas de movemento: a cortadora láser está equipada con sistemas de movemento CNC (Control Numérico por Computadora), que permiten que o feixe se mova de maneira precisa sobre o material segundo o deseño ou patrón programado. Estes movementos pódense controlar en dúas ou tres dimensións (para cortes 2D ou 3D). Estes movementos son realizados por motores paso a paso ou servo motores, e o movemento é supervisado por un ordenador que recibe as instrucións do deseño do corte ou gravado, xeralmente en formatos DXF, SVG ou CAD.

Corte ou gravado:

• Corte: o láser funde, evapora ou elimina o material na área onde incide, deixando unha xunta de corte limpa e moi precisa. No deseño SVG isto represéntase cunha LIÑA VERMELLA.
• Gravado: a intensidade do láser pode ser axustada para que non corte, senón que evapore ou queime a capa superficial do material para crear unha marca ou patrón. No SVG isto indícase cunha LIÑA NEGRA.

Existen lugares web de onde descargar deseños que podes modificar ou cortar directamente:

• 3Axis
• Ameede
• Free-dxf
• Stanser
• Dreamstime
• Etsy (de pago, pero algúns modelos poden vectorizarse e modificarse logo).

Tamén hai modelos parametizables (nos que podes cambiar certos valores) que podemos adaptar para a aula:

• Involute spur gear builder: deseño de engranaxes.
• Makercase: deseño de caixas de madeira.
• Templatemaker: deseño de caixas de papel ou cartón.
• Boxes.py: deseño de caixas de madeira.

Se tedes moitas pezas para cortar, unha ferramenta útil para organizar as pezas no taboleiro, desperdiciando o mínimo material posible, é Svgnest