Obxectivo: Identificar problemas locais relevantes que poidan ser resoltos mediante un prototipo de IA.
Procedemento:
-
Formación de equipos: Organiza a clase en equipos de 4 persoas. Esta organización será a estrutura cooperativa principal.
-
Chuvia de ideas cooperativa:
- Cada membro do equipo enumera un problema local relevante (p.e., contaminación, saúde mental, educación inclusiva, malgasto de recursos, etc.).
- Comparten ideas en parellas en quendas alternas breves para compartir a información.
- Cada equipo selecciona un problema común para traballar.
Adicional: Enquisa
Se o alumnado necesita unha perspectiva máis ampla sobre os problemas locais ou quere implicar á comunidade educativa, pode realizar esta actividade complementaria:
Para elaborala propóñese un guión de elaboración áxil:
-
Deseño da enquisa:
- Cada equipo deseña unha enquisa breve (3-5 preguntas) para identificar problemas locais relevantes. As preguntas poden incluír:
- Que problemas consideras máis importantes no teu barrio ou vila?
- Como crees que a tecnoloxía podería axudar a resolver estes problemas?
- Que tipo de solucións tecnolóxicas (ou non tecnolóxicas) propoñerías?
- Cada equipo deseña unha enquisa breve (3-5 preguntas) para identificar problemas locais relevantes. As preguntas poden incluír:
-
Formato da enquisa:
- A enquisa pode realizarse en formato dixital (Google Forms, Microsoft Forms) ou en papel, dependendo dos recursos dispoñibles.
- Os equipos deben asegurarse de que as preguntas sexan claras e accesibles tanto para o alumnado como para as familias.
-
Implementación da enquisa:
- O alumnado distribúe a enquisa entre compañeiros, profesorado e familias. Pode facerse:
- En clase (para o alumnado).
- A través de correos electrónicos ou grupos de WhatsApp (para as familias).
- Durante unha xornada de portas abertas ou reunións de escola (opcional).
- O alumnado distribúe a enquisa entre compañeiros, profesorado e familias. Pode facerse:
-
Análise dos resultados:
- Cada equipo recolle e analiza as respostas recibidas.
- Identifican os problemas máis mencionados e discuten cal podería ser o máis axeitado para o seu proxecto de IA.
-
Selección do problema:
- Baseándose nos resultados da enquisa, cada equipo selecciona un problema para desenvolver o seu prototipo.
Esta actividade alternativa permite ao alumnado implicar directamente á comunidade educativa no proceso de identificación de problemas. Así, non só se fomenta a colaboración dentro do equipo, senón tamén unha maior conexión co entorno, promovendo a aprendizaxe-servizo.
Adicional: entrevistas
Outra alternativa para que o alumnado obteña información sobre os problemas locais, pode realizar esta actividade complementaria máis simple: facer entrevistas estruturadas. Para esta actividade alternativa, empregarase a estrutura cooperativa coñecida como “Three-Step Interview”:
- Paso 1: Cada membro do equipo entrevista a outro compañeiro ou familiar para recoller ideas sobre problemas locais.
- Paso 2: Comparten as respostas obtidas co resto do equipo.
- Paso 3: O equipo analiza toda a información recollida e decide sobre o problema a abordar.