O que aprenderás

Que é a prevención de accidentes?
Como evitar accidentes na casa?
A que debemos prestar atención nas actividades físicas?
Pequenas cousas para evitar grandes accidentes

Que é a prevención de accidentes?

Previr accidentes é coñecer os posibles riscos dunha acción ou situación e tomar medidas para evitar ese perigo.

É importante que saibas identificar as causas do risco para tomar decisións e evitar accidentes que nalgúns casos poderían chegar a ser graves.

Necesitas un lema para o cartel sobre seguridade? Lembra ese refrán que di "Máis vale previr que curar". Podedes reflexionar no teu grupo o significado dese refrán.

Como evitar accidentes na casa?

Situacións nas que temos que actuar con precaución:

Cando estamos preto de líquidos quentes.
Cos utensilios cortantes e punzantes.
Os enchufes e cables eléctricos deben utilizalos as persoas adultas.
As ferramentas eléctricas non son xoguetes, hai que utilizalas con supervisión dunha persoa adulta.
Os produtos de limpeza poden provocar danos no contacto coa pel. Nunca inxiras líquidos sen comprobar o que son.
Os medicamentos non deben estar ao alcance dos nenos e nenas.
No baño hai que moverse con coidado para evitar esvarar.
Sube e baixa as escaleiras amodo, non son espazos para xogar nin correr.
Os xoguetes tirados polo chan poden dar lugar a tropezóns e caídas.

Audio

A seguridade nas actividades físicas.

Zonas de xogo

Os parques e espazos de xogo preparados para os nenos e as nenas deben contar con medidas de seguranza. Se detectas algún elemento en mal estado ou que poida causar danos comunícao á túa familia ou no colexio para que avisen ás persoas responsables.

As beirarrúas e calzadas non son lugares para xogar.

Equipamento persoal.

O equipamento son as zapatillas, a roupa e os complementos, que varían segundo o tipo de actividade. Nalgúns casos como, por exemplo a patinaxe, faise necesario utilizar proteccións para a cabeza, os cóbados e os xeonllos.

As zapatillas deportivas son un elemento esencial para a prevención de lesións e deben reunir unas características básicas:

Axustadas ao pé: se as zapatillas van frouxas non suxeitan ben o pé e poden ocasionar torceduras ou queimaduras por fricción. No caso de zapatillas de talla menor o resultado son dor no pé e nas uñas.
Adecuadas para o tipo de actividade.

Actividades ao aire libre.

Existen unhas recomendacións básicas para previr accidentes e enfermidades cando practicamos actividades físicas ao aire libre en épocas de calor:

Usar elementos para resgardar a cabeza do sol, por exemplo unha gorra.
Aplicar unha protección solar de factor 50+
Beber auga con frecuencia aínda que non teñamos sede.
Evitar expoñerse ao sol nas horas de maior radiación, que van desde as 11 da mañá ata as 4 da tarde.
Non días nubrados tamén existe risco de queimadura polo sol.

Actividades na auga.

Usa elementos de axuda á flotación como chalecos salvavidas, manguitos e flotadores.
Na piscina tes que seguir as indicacións dos carteis e das persoas socorristas, respectar aos outros usuarios e usuarias, non correr polo bordo e non tirarse de cabeza.
Na praia debes coñecer e respectar o significado das bandeiras, nadar en zonas vixiadas e con supervisión dun adulto. Lembra que as bandeiras son sinais que se utilizan nas praias para avisar do estado do mar e se hai prohibicións de meterse na auga.
Se utilizas xoguetes para meter na auga pide á túa familia que comprobe que son seguros.
Evita exposicións prolongadas ao sol antes do baño.

... e ademais no medio natural.

Sae sempre en compañía dunha persoa adulta responsable.
Evita zonas con árbores en mal estado.
Non toques as plantas que non coñezas.
Evita achegarte ou molestar aos animais salvaxes.
Non levantes pedras, moitos animais viven baixo as rochas e algúns son velenosos.
Non metas as mans en ocos e buratos no chan, pode que sexan o refuxio dalgún animal.
Se atopas unha zona con lixo non intentes recollelo, avisa para que as persoas especialistas se ocupen da limpeza.

Lectura facilitada

Recomendacións para previr accidentes en diferentes sitios:

Os parques e espazos de xogo están preparados para os nenos e nenas, son seguros pero se ves algún elemento en mal estado debes avisar a unha persoa adulta.
As beirarrúas e calzadas non son lugares para xogar.
As zapatillas deportivas son importantes para evitar lesións por iso deben axustarse ao pé e se as adecuadas para a superficie que pisemos.
Algunhas actividades necesitan proteccións como a patinaxe ou andar en bicicleta.
Cando hai sol debes usar gorra e protección solar de 50+.
Bebe auga aínda que non teñas sede.
Non te poñas ao sol ao mediodía.
Nos días nubrados tamén existe risco de queimadura polo Sol.
Para as actividades na auga usa flotadores ou chalecos salvavidas.
Na piscina non debes correr nin tirarte de cabeza. Obedece o que din as persoas que vixían e o que pon nos carteis.
Na praia debes coñecer e respectar o significado das bandeiras, nada só en zonas vixiadas e con supervisión dunha persoa adulta.
Se utilizas xoguetes para meter na auga pide á túa familia que comprobe que son seguros.
Evita estar moito ao sol do baño.
Cando saias ao monte faino sempre en compañía dunha persoa adulta.
Non pases por sitios con árbores en mal estado.
Non toques as plantas que non coñezas.
Non molestes aos animais salvaxes.
Non levantes nin movas as pedras porque moitos animais.
viven baixos as rochas e algúns son velenosos.
Non metas as mans en ocos e buratos no chan porque pode dentro viva algún animal.
Se atopas unha zona con lixo non intentes recollelo, avisa para que as persoas especialistas se ocupen da limpeza.

Audio

Consellos

Pequenas cousas que evitan grandes accidentes.

Levar os cordóns do calzado ben atados.
Usar gorra cando quenta o sol.
Coidar o material deportivo.
Subir e baixar as escaleiras amodo.
Descansar.
Respectar aos animais, non son xoguetes.
Evitar tocar as plantas que non coñecemos.
Xogar en contornas seguras.
Utilizar o equipamento adecuado para cada deporte.
Realizar un quecemento e estirar antes da práctica deportiva.

Audio

Para saber máis

En Internet

Goza da auga e evita os riscos (accede ao documento PDF, ábrese en nova xanela)