O compás

O compás un instrumento que se utiliza para a orientación, o funcionamento é moi simple: unha agulla imantada móvese por efecto do campo magnético da Terra e sinala a liña norte-sur. A parte da agulla que apunta ao norte píntase de cor vermella.

Partes do compás

Fotografía dun compás con 6 partes sinaladas con números

1. Frecha de dirección do compás.

2. Regra (xeralmente en centímetros por un lado, polgadas por outro).

3.Limbo xiratorio. Indica os 4 puntos cardinais, e divídese en 360º.

4. Agulla magnética: o extremo de diferente cor indica o Norte magnético.

5. Frecha do norte, letra N, que indica o norte no limbo en movemento. (A letra N e o limbo no que se atopa e a frecha que indica o norte, xiran ao mesmo tempo).

6. Soporte transparente para a lectura de mapas.

Lectura facilitada

O compás un instrumento que se utiliza para a orientación,

o funcionamento é moi simple:

Unha agulla imantada móvese por efecto do campo magnético da Terra e sinala a liña norte-sur.

A parte da agulla que apunta ao norte píntase de cor vermella.

Partes do compás.

Fotografía dun compás con 6 partes sinaladas con números

1. Frecha de dirección do compás.

2. Regra.

3.Limbo xiratorio.

4. Agulla magnética: o extremo de diferente cor indica o Norte magnético.

5. Frecha do norte, letra N, que indica o norte no limbo en movemento.

6. Soporte transparente para a lectura de mapas.

Audio

Como usar o compás e o mapa

Fotografía dun neno cun compás sobre un mapa Sempre que utilices o compás, debes colocalo horizontal para que a agulla magnética poda moverse con facilidade.

Orientar un mapa

Orientar un mapa é colocalo cara ao norte para situarnos mellor cando miramos o mapa.

Ilustración dos pasos para orientar un mapa

Xiramos o limbo do compás o limbo ata que a frecha indicadora do norte no limbo coincida coa frecha de dirección.
Poñemos o compás sobre o mapa, que deben estar nunha posición o máis horizontal posible, paralelo ás liñas do mapa que indican o norte.
Xiramos o mapa e o compás ao mesmo tempo ata que a agulla magnética do compás e a frecha de dirección coinciden. Xa temos o mapa orientado cara ao norte.

Sempre que sexa posible, utiliza un compás cartográfico pois é transparente para colocar sobre os mapas.

Trazar un rumbo

Dito dunha forma sinxela, trazar un rumbo é descubrir a dirección que debemos seguir para ir desde un sitio a outro coa axuda do compás.

Ilustración dos pasos para trazar un rumbo con mapa e compás

Supoñamos que queres ir desde o punto A ao punto B, que son dúas marcas no mapa.

Os pasos son:

Coloca o compás sobre o mapa paralelo á liña que une os puntos A e B.
Xira o limbo ata que a frecha indicadora do norte no limbo coincida coas liñas do norte no mapa.
Separa o compás do mapa e colócao horizontal sobre a palma da man. Xira a man co compás ata que a agulla magnética coincida coa frecha do norte do limbo e, cando coincidan, mira onde apunta a frecha de dirección, ese será o rumbo que debes andar para ir ata o lugar B.

Lectura facilitada

Orientar un mapa

Orientar un mapa é poñelo cara ao norte,

así é máis doado entender o mapa e saber que hai

onde estamos.

Ilustración dos pasos para orientar un mapa

Os pasos para orientar un mapa son:

1. Xiramos o limbo do compás ata que a frecha indicadora do norte no limbo

coincida coa frecha de dirección.

2. Poñemos o mapa horizontal e enriba o compás,

paralelo ás liñas do mapa que indican o norte.

3. Xiramos o mapa e o compás ao mesmo tempo ata que a agulla magnética do compás

e a frecha de dirección coincidan.

Xa temos o mapa orientado cara ao norte.

Trazar un rumbo

É descubrir a dirección que debemos seguir para ir desde un sitio a outro coa axuda do compás.

Ilustración dos pasos para trazar un rumbo con mapa e compás

Se queres ir do punto A ao punto B, que son dúas marcas no mapa.

Os pasos son:

1. Coloca o compás sobre o mapa paralelo á liña que une os puntos A e B.

2. Xira o limbo ata que a frecha indicadora do norte no limbo coincida coas liñas do norte no mapa.

3. Separa o compás do mapa e colócao horizontal sobre a palma da man,

xira a man co compás ata que a agulla magnética coincida coa frecha do norte do limbo.

Cando coincidan, mira onde apunta a frecha de dirección,

ese será o rumbo que debes andar para ir ata o lugar B.