Glosario

Acceso libre

Pictograma que representa o acceso a un lugar

Definición:: Que calquera persoa pode utilizar sen pagar.
Exemplo:: O partido de tenis foi de acceso libre para o público.

Satélite artificial

Pictograma que representa o espazo exterior

Definición:: Aparello que dá voltas á Terra e foi construído polos seres humanos.
Exemplo:: Existen satélites artificiais para observar os cambios de temperatura na Terra.

Visor

Definición:: Dispositivo ou aplicación que se utilizar para amosar textos, datos, imaxes e outros elementos.
Exemplo:: Utilizamos o visor de fotografías para escoller a mellor foto.

Visores de mapas dixitais

Existen sitios en Internet que permiten ver mapas e fotografías do terreo desde o aire e, incluso, con fotos tomadas desde un satélite artificial.

Aquí tes algúns visores xeográficos dixitais de acceso libre que podes utilizar para investigar os lugares e rutas da túa contorna.

Visor xeral

Permite ver varios tipos de mapas que podes escoller coa icona sinalada na imaxe. Preme no mapa e arrastra o rato para mover o mapa. Coa roda do rato ou os botóns podes achegar ou afastar un lugar.

Captura dun visor de mapas dixitais Captura do visor no que se amosa o procedemento para escoller mapa

Serás quen de atopar a túa localidade? E a túa casa?

Acceso ao visor (nova xanela): https://mapas.xunta.gal/visores/basico/

Axuda de uso do visor (nova xanela): https://mapas.xunta.gal/visores/basico/ayuda/ayuda.htm?locale=gl

Comparativa de mapas e fotos

Resulta moi interesante porque podes ver os cambios na paisaxe e comparar a evolución dun terreo. Estes cambios, ás veces, son por causas naturais como pode pasar na costa, pero, en moitas ocasións, é a intervención humana a responsable da transformación da paisaxe. Queres un exemplo? Busca As Pontes co visor e sorpréndete comparando un mapa antigo coa situación actual.

Para escoller os mapas de cada lado utiliza as caixas da esquina superior.

captura do visor comparador

A maxia prodúcese cando moves a liña do medio á dereita e esquerda.

Acceso ao visor (nova xanela): https://mapas.xunta.gal/visores/comparador/

Axuda de uso do visor (nova xanela): https://mapas.xunta.gal/visores/comparador/ayuda.htm?locale=gl

Itinerarios de Interese Paisaxístico

Un visor con itinerarios de interese paisaxística.

Podes comprobar se tes preto da túa localidade unha ruta con paisaxes fermosas.

Acceso ao visor (nova xanela): https://mapas.xunta.gal/visores/itinerarios/

Axuda de uso do visor (nova xanela): https://mapas.xunta.gal/visores/itinerarios/ayuda.htm?locale=gl

Imaxes das paisaxes galegas

Parecido ao anterior pero, neste caso, só hai puntos de interese, sen construír un itinerario fixo. Cando premes nos puntos de interese poderás ver fotografías do sitio.

Captura do visor de fotografías de interese paisaxística

A icona co signo "+" permite cubrir un formulario para enviar fotos e que sexan incorporadas ao mapa. Lembra esta opción porque máis adiante podemos escoller fotos da nosa ruta para solicitar que as publiquen no mapa.

Acceso ao visor (nova xanela): https://mapas.xunta.gal/visores/imaxespaisaxe/

Axuda de uso do visor (nova xanela): https://mapas.xunta.gal/visores/imaxespaisaxe/ayuda.htm?locale=gl

A paisaxe de Galicia desde a bicicleta

Acceso ao visor (nova xanela): https://mapas.xunta.gal/visores/galiciaenbici/visor/

Axuda de uso do visor (nova xanela): https://mapas.xunta.gal/visores/galiciaenbici/visor/ayuda.htm?locale=gl