Deseguido iniciaremos os nosos primeiros pasos nesta nova aventura musical que vai a dar comezo, e na que coñeceremos a tódalas persoas implicadas no proceso creativo que existe detrás dunha desas cancións que tanto escoitamos de camiño a casa, ben no autobús ou no coche, cando paseamos pola rúa ou mentres pasamos un bo rato.  Desta volta o escenario está baleiro, xa que seredes vós os/as protagonistas, encargados/as de ir tecendo pouco a pouco todos eses fíos que precisamos para que unha canción sexa algo máis que unha melodía que vai dando voltas na nosa cabeciña. Isto cando rematemos, claro, pero cada cousiña ao seu tempo...non sexades impacientes! Por agora ímonos a centrar en coñecer como vai collendo forma unha canción na industria musical, e quen son os encargados de facelo. COMEZAMOS!