- Mira o botafumeiro! - exclama Uxía dentro da Catedral de Santiago. 

- O botafuleiro? - pregunta Martiño desconcertado.

- Non! Bo-ta-fu-mei-ro. Na clase de relixión aprendimos que antigamente comezou a utilizarse para queimar incenso e disimular o cheiro dos peregrinos que recorrían o Camiño sen poder ducharse nin lavarse. 

- Que boa idea! Pero é moito mellor o método actual de asearse diariamente. Os albergues están ben equipados e é moi relaxante saír da ducha fresca como unha rosa - intervén Xiana-. Ademais, deste xeito evítase a acumulación de bacterias na pel, que pode provocar enfermidades.