Que é un acorde?
Un acorde é un conxunto de notas que soan á vez.
Existen diferentes tipos de acordes segundo o número de notas que o formen.
Acordes Tríadas
Son acordes formados por 3 notas, a distancias de 3ª e 5ª dende a primeira nota.
Segundo sexan estes intervalos temos os seguintes tipos:
- Perfecto Maior: formado por unha 3ª Maior e unha 5ª Xusta.
- Perfecto menor: formado por unha 3ª menor e unha 5ª Xusta.
- 5ª Aumentada: formado por unha 3ª Maior e unha 5ª Aumentada.
- 5ª Diminuída: formado por unha 3ª menor e unha 5ª Diminuída.
Aquí un pequeno resumo para que o teñades máis claro:
Inversión
Como xa sabedes, os acordes, ao igual que os intervalos, poden inverterse, colocando as distintas notas que o forman na parte máis grave do mesmo.
Como o acorde tríada está formado por dúas notas, ademais da nota fundamental, serán posibles dúas inversións, unha por cada unha delas.
Acordes Cuatríadas
Son acordes formados por 4 notas, unha 3ª, 5ª e un 7ª dende a primeira nota.
Durante este curso seguiremos traballando co acorde de 7ª de Dominante, é dicir, o que se forma sobre o V grao. Lembrade que está formado por unha 3ª M, 5ª X e unha 7ª m.
Por exemplo, na escala de Sol M: 
Inversión
Este acorde ten 3 posibles inversións, xa que o conforman 4 notas.
Temos que diferenciar estes dous conceptos:
- Nota Fundamental: é a nota sobre a que se forma o acorde.
- Nota do Baixo: é a nota máis grave do acorde.
Se te fixas, no estado fundamental, a nota fundamental e a nota do baixo son a mesma.