O cifrado
O cifrado é un sistema de notación que emprega números, letras ou signos que fan referencia aos acordes e as súas inversións.
Traballaremos dous tipos de cifrado:
- Cifrado harmónico: emprega números e signos que se colocan baixo a nota e fan referencia ao intervalo ou intervalos que conforman o acorde.
- Cifrado americano: baséase nas letras que representan as notas no sistema anglosaxón.
Cifrado Harmónico
TRÍADAS
Como podedes ver, os números de cada unha das inversións e do estado fundamental do acorde, marcan os intervalos que se forman dende a nota do baixo.
Os nº que aparecen entre paréntese, ás veces empréganse, pero non é o máis habitual.
No caso de que queiramos indicar que algunha nota do acorde leva unha alteración, poñeríase diante do nº.
No acorde de 5ª Diminuída, en estado fundamental, emprégase un 5 cruzado. 
CUATRÍADAS
Os números seguen a indicar a relación interválica dende a nota do baixo con algunha das notas que conforman o acorde.
O signo +, se está ao lado do número indica que esa nota é a sensible, e no caso de que estea debaixo do número, que a 3ª é a sensible (no estado fundamental).
E o 5 tachado indica, ao igual que nas tríadas, que é unha 5ª diminuída.
Cifrado Americano
O primeiro que temos que coñecer para poder realizar este cifrado son as letras que se corresponden con cada son:
Este cifrado baséase no tipo de acorde en estado fundamental:
- Perfecto Maior: a letra maiúscula sen ningunha outra indicación. 
- Perfecto menor: a letra maiúscula seguida dunha m (minor en inglés) ou tamén un - 
- 5ª Aumentada: a letra maiúscula seguida de aug (augmented en inglés) ou tamén un + 
- 5ª Diminuída: a letra maiúscula seguida de dim (diminished en inglés) ou tamén un o 
No caso de inversións, ponse unha barra diagonal (/) seguida da letra que se corresponda coa nota do baixo.
O acorde de 7ª de dominante represéntase coa letra maiúscula seguida dun 7; no caso de inversións pónse a barra diagonal coa letra da nota do baixo, igual que nas tríadas.
Aquí tendes un cadro co cifrado harmónico:
