Notas estrañas
As notas estrañas son aquelas notas que non pertencen ao acorde.
Fixádevos no seguinte fragmento; podedes observar que algunhas das notas da melodía non pertencen aos acordes que as acompañan. Algunhas xa as coñecemos, como a nota de paso, pero imos repasalas e coñecer algunha máis.
No penúltimo compás, o acorde é o V grao de La M, polo que as notas son Mi, Sol, Si. Como vedes na melodía, aparece un Fa e un Do, que non pertencen ao acorde; polo tanto, son notas estrañas.
Hai diferentes tipos de notas estrañas:
Nota de paso
É unha nota estraña entre dúas notas reais por graos conxuntos.
Floreo
É unha nota estraña, igual que a nota de paso, pero as dúas notas que a rodean son a mesma.
Apoiatura
É unha nota estraña que se atopa na parte forte do compás ou pulso.
Retardo
É unha nota estraña que se mantén dende o acorde anterior (normalmente aparece cunha ligadura). No caso de non existir esa ligadura, sería unha apoiatura.
Anticipación
É unha nota estraña que é real no seguinte acorde, é dicir, anticipa unha nota do acorde seguinte.
Escapada
É unha nota estraña que non vai por graos conxuntos e non pertenece a ningún dos acordes que a rodean.
