Con esta tarefa imos debuxar os termos referidos ao feminismo, para tentar comprendelos mellor.

• En grupos de 2 ou 3 persoas , debuxar os seguintes termos (se clicas no termo, aparace a definición)
• Ao finalizar mostrámolos ao grupo e comparamos e tentamos comprender os debuxos.

Por exemplo a definición de machismo: Actitude ou ideoloxía que afirma que o home é superior á muller. 

Aquí tedes os termos coas súas definicións:

Feminismo

Movemento que pide o recoñecemento dos dereitos e capacidades das mulleres.

Desigualdade

Trato despectivo por motivos de raza, sexo, relixión...

Igualdade de xénero

Principio que afirma que os homes e as mulleres son iguais ante a lei

Equidade

Caracterízase polo uso da imparcialidade para recoñecer o dereito de cada persoa, utilizando a equivalencia para ser iguais.

Cousificación

É tratar a muller e a súa imaxe como unha cousa, como un simple obxecto

Fenda salarial

É a diferenza existente entre os salarios percibidos polos traballadores de ambos os sexos.

Sororidade

Emprégase para referirse á solidariedade entre mulleres nun contexto de discriminación sexual e violencia patriarcal.
 

Visibilización

Darlle luz ao papel da muller na sociedade.
 

Androcentrismo

Fai referencia á práctica, consciente ou non, de outorgarlle ao home (e ao seu punto de vista) unha posición central no mundo, nas sociedades, na cultura e na historia.