Tan só cinco notas
Como sabedes, o prefixo "penta" siginifica cinco; por iso o pentágono é unha figura xeométrica que ten cinco lados, ou algo máis relacionado coa música como o pentagrama que ten cinco liñas! Pois ben, unha vez feita esta aclaración ímonos centrar no tema que nos ocupa: a pentafonía.
Temos claro o do prefixo, non si? Sen dúbida ten algo que ver co número cinco pero... outra cousa é coñecer o significado desta palabra! Que quererá dicir?
Dádelle unhas voltas antes de continuar coa seguinte actividade, onde atoparedes a resposta!
Como agasallo (e unha pequena pista ao mesmo tempo), déixovos un vídeo do afamado grupo PENTATONIX, que como non podía ser doutro xeito está formado por cinco cantantes! O seu contido é moi interesante, xa que empregando soamente as súas voces realizaredes un percorrido polas épocas e estilos musicais máis importantes dende a Idade Media.