5.- Actividades de ampliación e motivación

Obxectivos

Con este sinxelo xogo tipo Quiz perseguimos os seguintes obxectivos:

De que falamos: da Constitución Española ou do Estatuto de autonomía de Galicia?

Xogo de preguntas e respostas para individualmente ou en grupos comprobar canto sabedes sobre os dereitos e deberes que recolle a Constitución Española de 1978 e cales o Estatuto de Autonomía de Galicia de 1981.

O obxectivo de esta actividade é -ademáis de servir como elemento motivador- que o alumnado repase a teoría recollida no caderno de traballo de esta secuencia didáctica ou no caso de non atopar a resposta investiguen usando os buscadores de internet ou a APP do Congreso onde podemos navegar polos distintos artigos da Constitución e do Estatuto de Autonomía.

A Constitución Española de 1978:

Dende a APP do Congreso (Permite consultar o texto de cada artigo cunha sinopse sobre o seu desenvolvemento e aplicación).
Texto completo da Constitución española de 1978 (copia en galego e en pdf).
Texto completo da Constitución española de 1978 (copia en castelán e en doc).

O Estatuto de Autonomía de Galicia de 1981:

Dende a APP do Congreso (Permite consultar o texto de cada artigo cunha sinopse sobre o seu desenvolvemento e aplicación).
Texto completo do Estatuto de Autonomía de Galicia de 1981 (copia en galego e en pdf).
Texto completo do Estatuto de Autonomía de Galicia de 1981 (copia en galego e en doc).

Buscadores que recomendamos para buscar a información:

Google.
DuckDuckGo (ten como ventaxa unha maior privacidade pois evita que se garden cookies).
Ecosia (en teoría os beneficios de este buscador destínanse a plantar árbores).

Tamén podedes empregar a enciclopedia libre e colaborativa Wikipedia nas diferentes linguas:

Xosé Antón Vicente Rodríguez. "Constitución vs Estatuto" realizado con Genially (Conta EDU-PRO) coa plantilla "Quiz Sketch Animado".

Nota para os docentes

Retroalimentación

A cotío facemos preguntas aos nosos alumnos e alumnas como parte da súa aprendizaxe. Con elas buscamos a reflexión, espertar novas inquietudes e o sentido crítico apoiándonos ademais no uso da tecnoloxía.

A importancia do traballo con preguntas é que permite involucrar aos alumnos, cunha retroalimentación inmediata coa que conseguimos aumentar a motivación. Fomentaremos a creatividade e a resolución de problemas se facemos as preguntas de xeito individual, fomentaremos a mellora de vínculos se as facemos por parellas ou podemos desenvolver a interacción cooperativa se as resolven entre todo o grupo.

É importante ofrecer sempre un reto, as cuestións non teñen que ser máis difíciles senón diferentes.

As cuestións serán breves, que se podan resolver dun xeito áxil. Recomendamos o uso de buscadores para resolvelas co cal é moi importante traballar a capacidade de síntese e ser quen de utilizar as palabras clave de cada pregunta para que o resultado sexa o buscado.

Licenciado baixo a Licenza Creative Commons Recoñecemento Non-comercial Compartir igual 4.0

« Anterior | Seguinte »