4.- Webquest: "As normas da nosa clase e colexio"

Introdución

Smashicons. Notebook (CC BY)

A Constitución e as leis que a desenvolven supoñen a norma suprema de convivencia que nos axudan a acadar unha sociedade mellor. Como cidadáns e cidadás, debemos respectar estas normas, coñecer os nosos dereitos e cumprir cos nosos deberes. O ámbito de actuación é todo o territorio do Estado español.

A realidad social, en constante proceso de cambio, esixe ao sistema educativo
un continuo esforzo de adaptación e actualización das respostas educativas
frente ás demandas e necesidades da poboación.

Os centros educativos como comunidades de convivencia, deberán fomentar unha cultura de paz, na que participen todos os seus membros e poidan desenvolverse nun clima positivo de confianza. Para acadar este obxectivo deben fomentar os valores democráticos, a solidaridade, a tolerancia, o respecto mutuo, o compromiso, a interculturalidade e os dereitos humanos. Como centros de aprendizaxe, o seu fin é desenvolver a formación integral do ser humano, fomentando aprendizaxes socialmente valiosas que permitan ao alumnado progresar e integrarse con eficacia no futuro, na vida adulta e activa.

Os obxectivos que perseguimos son:

- Elaborar unha análise das Debilidades, Ameazas, Fortalezas e Oportunidades que o noso centro presenta.
- Fomentar o respecto entre todos os membros da comunidade educativa.
- Desenvolver a capacidade de busca de información e investigación do alumnado.
- Elaborar un decálogo con normas de convivencia na aula e no centro que servirán de base para elaborar ou actualizar o Plan de convivencia do centro.

En definitiva: Trátase dunha proposta na que o alumnado desenvolverá estratexias como o pensamento crítico, reflexión sobre o seu comportamento como membro dun grupo de convivencia, o traballo cooperativo, a resolución de problemas, a planificación de tarefas, o coñecemento de diferentes recursos e fontes de información...

Tarefa

Wanicon. Contract (CC BY)

En equipos de catro membros teremos que seleccionar dez medidas que todos deberemos ter en conta para mellorar a convivencia na nosa aula e outras dez para todo o centro.

Estos son os documentos que deberán crear:

 - Unha análise DAFO coas debilidades, ameazas, fortalezas e oportunidades tras realizar un debate en grupo sobre a covivencia na aula e no patio de recreo.

- Os catro ámbitos anteriores serán redactados de novo nun documento CAME no cal corrixamos as debilidades internas, afrontemos as ameazas externas, manteñamos as fortalezas do propio centro e explotemos as oportunidades que o ambiente nos ofrece.

- Seleccionaremos dez de estos elementos redactados que serán a nosa proposta como decálogo da conviencia na aula ou no centro.

- Coa proposta do grupo elaborarán unha infografía con algunha ferramenta informática.

Traballo previo:

- Os grupos serán formado polo docente segundo o criterio que decida: proximidade, afinidade, ao chou...

- A cada grupo asignaráselle un ámbito de actuación: ou a aula ou o propio centro (patio de recreo).

- Os roles de cada grupo serán explicados polo docente pero serán eles quen o elixan segundo os seus gustos. No caso de non chegar a acordo farase por sorteo.

Proceso

Freepik. Group of users silhouette free icon (CC BY)

Cada "equipo" estará formada por catro membros que se repartirán estos roles:

-Coordinador/a: É quen define os obxectivos do grupo e coordina a toma de decisións. Tamén chamado líder ou responsable. Transmite seguridade, confianza e cohesión ao grupo.
- Investigador/a: O estudio das fontes son a súa principal fortaleza: estudos, análises,..., etc. Parte da súa función é extraer información que aplicará ao proceso actual. Levará a voz cantante na redacción dos documentos de análise DAFO e CAME. Soe ser un bo comunicador e un excelente analista das situacións.
- Creativo/a: persona chea de ideas e é quen de aportar suxestións e opinións. É imaxinativo, innovador e curioso.
- Deseñador/a: é o encargado de "darlle forma" e coherencia aos documentos de recollida de datos e á infografía co decálogo de normas de clase ou patio.

Cada un exercerá o seu rol pero todas as propostas serán debatidas internamente entre os catro membros do grupo para poder elaborar a documentación axeitada para a análise de datos e infografía final.

Como fase final é importante consensuar estas infografías entre os distintos grupos para unificar criterios e incluso mínimamente a estética.

Recursos

Para recabar información sobre o decálogo de normas de convivencia:

• Exemplo de Plan de convivencia dun centro educativo: O CEIP Constitución (en castelán)
• Normas de convivencia na escola (en castelán)
• Prezi: Decálogo de normas de convivencia na aula (en castelán).
• Pinterest: Normas de aula en carteis (en castelán).
• Diferencias entre unha matriz DAFO e unha matriz CAME (en castelán).

Plantilla para sistematizar as análises dos aspectos observados:

• Matriz DAFO (en formato editable .odt)
• Matriz CAME (en formato editable .odt)

Propostas para darlle formato á infografía final de aula ou de centro:

• Canva
• Piktochart
• PicMonkey
• Vengage
• Infogram
• Easel.ly

Avaliación

Freepik. Rating (CC BY)

Para avaliar o traballo, fixarémonos nos seguintes aspectos:

•   Proceso de recollida de datos da observación directa da realidade de aula e do centro educativo.
•   Fluidez no momento de plasmar as observacións nas matrices DAFO e CAME.
•   Utilización dos recursos da rede.
•   Exposición clara dos elementos tratados na documentación e infografías creadas.
•   Utilización correcta da lingua galega.
•   Viabilidade e importancia dos aspectos tidos en conta.
•   Funcionamento e relación entre os catro membros do grupo.
•   Composición e estética das infografías creadas e carteis.

Rúbrica:

 Esta rúbrica está inspirada libremente na ferramenta web Rubistar.

Conclusións

Eucalyp. Idea Free Icon (CC BY)

• É moi importante uniformizar a recollida de datos para poder plasmar o observado nunha matriz DAFO e CAME.
• A elaboración de accións de mellora é posible sempre e cando convirtamos as deblidades, amezas, fortalezas e oportunidades dun centro educativo en corrixir esas debilidades, afrontar esas ameazas, manter as fortalezas e explotar as oportunidades.
• Fundamental respectar a opinión dos demáis membros dun grupo así como as opinións dos demáis grupos en debates conxuntos.
• Os aspectos formais tamén temos que coidalos: logos, paleta de cores, cartelería, etiquetas, tipografías, tamaños de letra, pes de foto...
• Nos materiais escolares podemos acollernos ao dereito de cita con determinadas condicións pero temos que citar en todo momento eses fragmentos, a autoría da multimedia e os dereitos de uso.
• O DUA (Deseño Universal de Aprendizaxe) propón que usemos unha boa variedade de canles para presentar os contidos, polo cal sería interesante que a nosa infografía incluise un código QR con audios describindo as distintas normas do decálogo, por exemplo.