As ALTERACIÓNS son signos que se colocan na partitura para indicar que hai notas que teñen o seu son modificado en altura (1/2 ton).
Son as seguintes:
Chámase sostido. Fai ascender 1/2 ton o son da nota.
Chámase bemol. Fai descender 1/2 ton o son da nota.
Chámase becuadro. Anula os efectos dos anteriores. É como unha goma de borrar para o sostido e o bemol.
Como o concepto dos sostidos e bemois pode resultar complicado, mira a escaleira para que podas entendelo mellor.
Fíxate, por exemplo, que de FA a SOL hai 1 ton. Pero atopamos dúas notas que están no chanzo do medio: Fa# e Sol b.
Que pasa entón? Que de Fa a Fa# hai un semitón. Pero tamén sucede que de Fa a Sol b, hai a mesma distancia: un semitón.
Logo.....que distancia hai de Fa# a Sol b?........ Pois nada, cero, non hai distancia. Chámase enharmonía.
ENHARMONÍA serían dúas notas de diferente altura pero que na práctica teñen o mesmo son. Nun piano teríamos que tocar a mesma tecla negra para as dúas notas. Fíxate no exemplo que puxemos:
Fai o seguinte exercicio, imprimindo a escaleira 
seguro que a necesitas.
Tes que escribir as enharmonías que existen. Só tes que pór as notas. Fíxate no exemplo que explicamos anteriormente.
Obra publicada con Licencia Creative Commons Reconocimiento No comercial Compartir igual 4.0