Instrumentos

Os instrumentos tradicionais en México varían segundo o xénero que se interprete. Imos centrarnos nos máis característicos da música mariachi, a máis coñecida e de maior repercursión internacionalmente. 

Nas agrupacións de música mariachi os instrumentos son cordófonos na súa maioría e sen instrumentos de percusión:

CORDÓFONOS

Arpa: derivada da arpa clásica, este instrumento posúe unha gran caixa de resonancia sobre a cal están estiradas as cordas. 


Guitarra: un dos instrumentos máis antigos e populares, con 6 cordas, igual á guitarra española.

Vihuela: é unha guitarra pequena máis aguda, típica de México, con 5 cordas e que serve como acompañamento.

Guitarrón: instrumento típico de México, que é o máis grave. Ten a forma dunha guitarra moi grande.

Violín: igual ao instrumento que xa vimos noutros países. No grupo de mariachis soe haber entre 5 e 6 violíns dependendo do número de trompetas (cada 1 trompeta, 2 ou 3 violíns).

AERÓFONO

Trompeta: instrumento de vento que foi introducido na música de mariachi máis tarde que os demais. É o que leva a melodía. 

 


Aquí vai un exemplo dunha agrupación mariachi (Se queres saber como soa, preme no nome).