UDI 7. "Samba Lelê"

Aquí tes a letra (en portugués e en galego) e máis abaixo aparecen os audios para que poidas practicar: a voz e o acompañamento, só a voz e só o acompañamento.

Ánimo! 

       

 Melodía                     

Voz e acompañamento       

Acompañamento              

 

A música en Brasil fórmase a través da diversidade cultural deste país.

 

Está formada por dúas correntes: unha tradición escrita e culta, de raíz europea, e outra non escrita e popular, produto da mestura das músicas europeas, africanas e indíxenas.

Hai ritmos característicos brasileiros, como a samba ou a bossa nova, que son considerados símbolos nacionais.

A música dos nativos (aborixe) era moi sinxela e elemental, e non aportou moito á música brasileira.

Os procedentes de África posuían un nivel cultural superior. A innata musicalidade dos africanos e o seu extraordinario sentido do ritmo e da improvisación, danlle á música ese son tan característico.

Da música europea, o principal aporte ven de Portugal. 

 

Os xéneros destacados da música brasileira son:

• Samba: xénero principal da música do Brasil. Hai dous tipos: rural e urbana. Foi pasando por distintas fases ata chegar á de Río de Xaneiro, que é a máis importante.

• Bossa nova: deriva da samba con influencia do jazz. Un exemplo moi coñecido: "Garota de Ipanema"

• Forró: ten a súa orixe no interior do país; é unha mestura de diferentes ritmos e é típico da Festa de San Xoán.
  

• Choro: tamén chamado "chorinho"; principalmente instrumental (frauta ou mandolina, cavaquinho e guitarras) e de maior dificultade que os demais xéneros.

• Modinha: canción urbana de temática amorosa.

• De orixe portugués: Coco, Cantigas, Embolada (solista e coro) e Desafío (confrontación entre dous cantantes improvisando).