Linguaxe Musical

Unha vez que xa a sabemos, imos traballar un pouco coa partitura.

Aquí vai a partitura con diferentes indicacións sobre a articulación, dinámicas, tempo, etc.

Fíxate ben para poder cantala correctamente!

Se te fixas na partitura, verás que se repite varias veces esta fórmula rítmica: 

Estamos facendo síncopes. Lembras o que é un síncope?

Esta ten lugar cando un son que se atopa na parte débil se alonga ata a parte forte.

A que estamos traballando nesta canción, para practicala mellor podemos facer este exercicio (axúdate co audio):

    

A canción está nun compás de 2/4, é dicir, que en cada compás van dúas negras. (Se tes dúbidas repasa a UDI 1 e a UDI 2, no apartado de Linguaxe Musical).

A extraordinaria riqueza da música do Brasil, está especialmente presente nos ritmos que se usan.

Con esta canción, estamos a aprender o ritmo de Maracatú. Este rimo baséase no síncope que estivestes a practicar antes. 

A forma desta canción é a máis común: consta de estrofa (que varía de letra pero non de música) e estribillo (que é o mesmo, tanto en música como en letra). 

A súa estrutura con letras, como vimos facendo en todas as anteriores, sería: A B A´ B ....

Aquí vai a partitura para que o poidas comprobar: 

Imos traballar un pouco a nivel auditivo. Para elo, faremos uns ditados: só rítmico, só melódico e melódico-rítmico.

Empregaremos os elementos rítmicos e melódicos que estivemos traballando e que aparecen na canción "Samba lelê". Os instrumentos son todos instrumentos Orff.

Precisaredes unha folla pautada e un lapis. 

Limpade ben os oídos e podedes repetir o audio cantas veces necesitedes!

Ditado rítmico 1 (claves)                      

Ditado rítmico 2 (güiro)                       

Ditado melódico (xilófono)                    

Ditado melódico-rítmico (xilófono)