Actividades ampliación

Que vos parecería crear vós un instrumento típico do Brasil?

Imos realizar o Ganzá, que precisamos para o arranxo de instrumentos Orff.

Necesitaredes algún material:     

• Un tubo do papel de cociña ou dous de papel hixiénico (con estes o instrumento serían dous axóuxeres). 
• Papel de aluminio    
• Lentellas ou arroz
• Unhas tesoiras e celo
• Cartolina ou cartón reciclado   
  

Estades listos?

1º paso: colle o tubo e colócao sobre o cartón, e debuxa o círculo. 

2º paso: debuxa un círculo maior co mesmo centro que o anterior.  

    3º paso: colle as tesoiras e recorta pola circunferencia maior.

 

4º paso: fai uns cortes coas tesoiras nos círculos para poder dobralo.

5º paso: colle un dos círculos que acabas de facer e colócao no tubo, metendo o borde que lle sobra dentro. 

 

      6º paso: para asegurar o cartón coloca o celo.

 

7º paso: introduce as lentellas ou o arroz dentro do tubo. Lembra que dependendo do material que metas no tubo o son será máis grave (material groso) ou máis agudo (material fino).

8º paso: repite os pasos 5 e 6 co outro círculo.

9º paso: envolve o tubo co papel de aluminio para que se asemelle ao instrumental orixinal (metal).

10º paso: pecha as esquinas e se queres podes decoralo con algunha goma ou pegándolle adornos feitos con cartolinas ou outro material do que dispoñas.  

XA TEMOS O NOSO GANZÁ!!!

Mira como se tocan e como é o seu son nos vídeos que seguen.