Instrumentos
Os instrumentos tradicionais do Brasil
Os instrumentos tradicionais en Brasil varían segundo o tipo de música.
Moitos deles seguro que xa os coñecedes como: as maracas, o djembê, as claves, a rabeca entre outros moitos.
O birimbao 
O reco-reco (güiro)
O agogó 
A canción que estamos traballando, como xa dixemos, ten un ritmo de maracatú. Para esta música os instrumentos máis empregados son maiormente de percusión:
Alfaias: é un membranófono tamén chamado bombo. É un tambor grave e ás veces hai varios tamaños. Son os que levan o ritmo sincopado que estivemos traballando.
Gongué: idiófono formado por unha campá de ferro e un cabo que lle serve de apoio. O seu ritmo é con moitos contratempos e con improvisacións.
Caixa de guerra: é un membranófono, tambor agudo que sempre da moitas notas. Xunto co tarol, son os encargados de darlle a entrada aos outros instrumentos.
Tarol: membranófono máis agudo que as caixas de guerra.
Ganzá: idiófono con forma cilíndrica de metal, é o responsable dos sons máis agudos da agrupación.
Atabaque: membranófono similar ao djembê. Pode poñerse nun soporte ou atarse cunha cinta ao corpo. Tócase coas mans.
Agbé: idiófono formado por unha cabaza rodeada dunha cinta con contas que se baten entre si ao axitarse. Ten unha función similar ao ganzá.
Comproba o que sabes
Le e completa sobre os instrumentos tradicionais do Brasil:
Licenciado baixo a Licenza Creative Commons Recoñecemento Non-comercial Compartir igual 4.0