Linguaxe Musical
A partitura
Unha vez que xa a sabemos, imos traballar un pouco coa partitura.
O acento
O acento é o que nos permite distinguir un compás doutro, aínda que teñan as mesmas figuras.
Por exemplo, o 3/4 e o 6/8 teñen 6 corcheas cada un, pero o acento varía:
Como podes ver, hai dous tipos de acento: forte e débil. O acento máis forte é o primeiro de todos. Os demais considéranse semifortes.
Este concepto é moi importante para entender moitos elementos da música. Lémbrao moi ben!
O compás. As figuras.
Na unidade anterior estivemos traballando o compás. Nesta canción o compás que imos empregar é o 4/4, é dicir, que entran 4 negras en cada compás.
Para poder ler a partitura tes que saber que o 4/4 márcase así:
As figuras que aparecen, como podes ver, son as brancas, as negras e as corcheas.
Agora xa podes facer unha lectura da partitura.
Inténtao e axúdate co video!
A escala pentatónica
A escala pentatónica é un tipo de escala con 5 sons (penta= cinco+tono= son).
Esta escala empregábase habitualmente na música asiática (sobre todo a china e a xaponesa), aínda que hoxe en día son moitas as músicas que empregan estas escalas, como o jazz, a música disco, entre outras.
Nesta canción aparece unha escala pentatónica con estes 5 sons:
Notas a contratempo
Para poder traballar co instrumental Orff, precisamos coñecer un novo elemento da Linguaxe Musical: as notas a contratempo.
Estas son notas colocadas na parte débil do compás precedidas de silencio, como indica o exemplo:
A forma musical
Traballaremos agora coa forma da partitura. Lembra que a forma musical é a estrutura da canción.
Neste caso, atopámonos cunha forma ternaria: ABA´.
Comprobádeo na partitura axudándovos co audio.
O ditado musical
Imos traballar un pouco a nivel auditivo. Para iso imos facer uns ditados: só rítmico e só melódico.
Aparecen os elementos rítmicos e melódicos traballados na canción de "Sakura".
Precisaredes de folla pautada e lapis.
Podedes repetir o audio as veces que necesitedes!
Ditado rítmico (claves)
Ditado melódico (metalófono)
Creando novas letras
Imos crear unha nova letra para esta música xaponesa.
Podedes facer referencia o que di o texto real (a flor da cerdeira, a primavera, etc) ou a outro tema que vós queirades.
Tendes que fixarvos ben no número de notas que hai en cada frase para que vos coincida o texto que inventedes.
Deixade voar a vosa imaxinación!
(Se queres ver un exemplo, preme na retroalimentación)
Licenciado baixo a Licenza Creative Commons Recoñecemento Non-comercial Compartir igual 4.0