Ola, rapaces! Benvidos. Son Pablo, Pablo Ruiz Picasso, e seguramente moitos de vos xa me coñecedes. Fun un pintor moi famoso, un dos máis importantes de tódolos tempos. Disque revolucionei a arte do século XX!
Pero antes de todo eso, fun un neno. Un rapaz como vos, e aínda que nacín en Málaga, durante un tempo fun tamén un rapaz galego. Coruñés, por precisar, que xa sabedes que na Coruña somos moi fachendosos.
A Coruña é a cidade na que espertaron os meus sentidos. Nela pasei a miña adolescencia e, estaredes dacordo, esa é unha etapa moi importante na vida de calquera. Neses anos convertinme nun home, e nun artista. E nun dos bos!
Todo aquelo pasou fai máis dun século, no ano 1891. Ese ano, cheguei á Coruña coa miña familia, ao segundo piso do 14 da rúa Payo Gómez. Vivín alí case cinco anos. Queredes saber como foron os meus anos coruñeses?

Antes de nada, vouvos a presentar á miña familia.