1.1. Aires de festa
1.2. O voso reto

2.1. Eu quero verte danzar
2.2. Paus á danza

Despois da presentación do reto, o alumnado revisará algúns contidos que xa traballou durante o curso, como a forma musical ou os compases, así como volverá a achegarse ás danzas de España. Ademais, o segundo día achegarase de forma activa a unha danza de paus da música española.

3.1. Alalá
3.2. Xota
3.3. Muiñeira
3.4. Os ritmos agarrados

O alumnado achegarase á actividade da recolleita, para a cal utilizarase unha sesión. 
Posteriormente, achegarase aos alalás, cun arranxo do Alalá de Fisterra que se pode interpretar coa voz e os instrumento. Ademais, reflexionarase sobre o parámetro das texturas musicais. Para este apartado utilizaranse dúas sesións.
Despois, interiorizaranse os distintos patróns rítmicos que aparecen nas xotas. Tamén o propio alumnado proporá as súas percusións corporais e aprenderá a tocar unha xota sinxela. Achegarase tamén ao uso da xota por parte de distintos creadores. Para este apartado utilizaranse outras dúas sesións.
Logo pasarase á muiñeira, para a cal se realizará unha sesión completa para traballar as distintas partes coreográficas dela e outra sesión para que o alumnado propoña os seus propios puntos e visualizarase a utilización da muiñeira na música galega actual.
Finalmente, o alumnado achegarase aos bailes agarrados, neste caso a través da interpretación de dúas pezas, por unha banda, A saia da Carolina e, por outra banda, a Mazurca de Bretoña. Para este apartado prevese a utilización de tres sesións.

Nesta fase o profesorado guía o alumnado no proceso de organizar e dar forma final á foliada virtual, partindo do traballo realizado nas fases anteriores para ser quen de estruturala: decidir os grupos, elaborar o guión, gravar os vídeos e finalmente montalos e expoñelos. 

Na fase 5 o profesorado acompaña o alumnado no peche do proxecto, promovendo unha reflexión final individual e grupal, guiando a valoración do aprendido a nivel musical, creativo e persoal.