No REA “Expoñendo a Prehistoria”, presentamos un recurso educativo que parte da idea fundamental do DUA que calquera alumno/a pode utilizalo sen necesidade de adaptar este recurso posteriormente, planificándoo partindo da diversidade existente. Como?

a. Na secuenciación do reto en diferentes fases:

- Presentación dunha situación real que motive o alumnado de 1ºESO.

- Vinculación cos coñecementos previos que o alumno/a ten de Educación Primaria sobre a Prehistoria. 

- A organización do reto e conexión dos coñecementos previos da Prehistoria coa Exposición. Traballando tanto en equipo como individualmente.

- Presentación do reto "Exposición" logrado polo alumno/a e polo grupo.

- Conclusión: avaliación e coavaliación do feito.   

b. Un recurso que combina todos os formatos e niveis, caso do ensino tradicional (contidos descargables) cos medios dixitais tentando chegar ao maior número de realidades individuais do alumnado.

c. Un recurso, cuns principios e pautas fáciles de utilizar para o profesorado.