O presente REA (Recuso Educativo Aberto) vai dirixido ao alumnado da materia de Xeografía e Historia de 2º da ESO. Os contidos do REA recollen os da unidade 1 (Os reinos altomedievais) e 4 (A Península Ibérica na Idade Media e o Reino Medieval de Galicia) da proposta de programación recollida en PROENS. Para lograr os obxectivos e acadar as competencias necesarias, o REA formula un reto no que o alumnado deberá empregar todos os coñecementos adquiridos durante as fases anteriores do recurso. Así, a través dos textos contidos no REA como no material descargable, o alumnado aprenderá a interpretar unha liña do tempo, a comprender como se estruturaban as sociedades da Idade Media, o papel da muller nestas sociedades e a pegada cultural e artística que tiveron no seu momento.